Apostuj Capitel Desdot

Quel articul chì l'è scrivüü in Lumbard, cun l'urtugrafia insübrica ünificada.

Apostuj

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Desdot

¹Despö de chèstcoss, l'è partii d'Aténe e l'è naa a Curint. ²E despö l'aveva truaa un cèrt Giüdee, de nomm Aquila, un nativ de Pont, che l'era vegnüü de recént de l'Italia cun Priscilla, la sua miee, perchè Claudi l'aveva cumandaa che tücc i Giüdee partissen de Roma, el gh'è vegnüü, ³e perchè l'era del medemm mestee el restava de lur, e lauraven; degià che eren de mestee fabricant de ténd. ⁴E cunversava in de la sinagoga ogni sabet e 'l persuadeva Giüdee e Grech.
⁵E quand sia Sila che Timotee hann vegnüü de la Macedonia, Paul l'era tegnüü de la parola, dand testimunianza a i Giüdee che Gesü l'era 'l Crist. ⁶E quand s'uponeven e biastemaven, l'ha scudüü via i vést e 'l gh'ha dii: «Che 'l voster sangh sia sü i voster cuu; mì sun nètt; d'adèss in pö andaruu a i naziún!». ⁷E despö che l'era partii de là, l'è vegnüü a la cà d'un tal de nomm Tití Giüst, che l'adurava Diu, la cà del qual l'era cuntigua a la sinagoga. ⁸E Crist, el capp de la sinagoga, l'ha credüü in del Signúr cun tüta la sua cà, e tant di Curinz che sentiven credeven e eren batezaa.
⁹E 'l Signúr l'ha dii de nocc per mèzz d'una visiún a Paul: «Che te gh'àbiet minga pagüra, ma parla e che te staghet no zitu, ¹⁰perchè mì sun cun tì, e nissün el te tacarà per fà maa a tì, perchè gh'huu una granda gént a chèsta citaa».
¹¹E l'ha restaa un ann e ses més, insegnand intra lur la parola de Diu.
¹²E intanta che Galiún l'era prucunsul de l'Acaja, i Giüdee s'hinn metüü cuntra Paul cunt una sula mént e l'hann menaa al tribünal, ¹³disend: «Chèst omm el pruvuca cun la presuasiún i vèss üman a adurà Diu cuntrariamént a la lég». ¹⁴E cuma Paul el stava per dervì la buca, Galiún l'ha dii a i Giüdee: «Se l'era una cèrta ingiüstizia o un'aziún spericulada maligna, o Giüdee, mì ve supurtarì segund la resún, ¹⁵ma se hinn quistiún sü una parola, nomm e la vostra lég, vediil vialter medemm: mì vöri minga vèss giüdes de chèstcoss». ¹⁶E 'l i ha scasciaa via del tribünal. ¹⁷E despö che tücc aveven brancaa Sustén, el capp de la sinagoga, e 'l bateven denanz al tribünal; ma nagott de chèstcoss l'impurtava a Galiún.
¹⁸Ma Paul, despö che l'aveva restaa anmò dì assee, l'ha dii s'ciau a i fradèj e l'ha faa véla per la Siria, e Priscilla e Aquila cun lü, despö che l'aveva tajaa curt i capèj del cuu a Cencrea, degià che 'l gh'aveva un vod. ¹⁹E despö che eren riaa a Efés, el i ha lassaa dedree là, e lü medemm, despö l'era vegnüü denter in de la sinagoga, el cunversava cunt i Giüdee. ²⁰Ma quand el dumandaven de restà per püssee témp, l'ha minga dii de sì, ²¹ma despö che l'aveva dii s'ciau e l'aveva dii: «Turnaruu indree de növ de vialter, se Diu el vör», l'ha faa véla d'Efés, ²²e despö che l'era naa giò a Cesarea e l'era naa sü e l'aveva salüdaa la gésa, l'è naa giò a Antiochia.
²³E despö che l'aveva passaa un puu de témp, l'era naa föra, passand sücesivamént per la regiún de la Galatia e la Frigia, fasend fort tücc i fradèj.
²⁴E un cèrt Giüdee, de nomm Apoll, nativ de Lissandria, omm de léter e capaz in di Scritür, l'è riaa a Efés. ²⁵Lü l'era istrüii in de la via del Signúr, e perchè l'era fervént de spirit, el parlava e l'insegnava cüratamént i robb sü Gesü, ancabén el cugnusseva dumà 'l batésim de Giüann. ²⁶E lü l'ha cumenzava a parlà francamént in de la sinagoga, e quand Priscilla e Aquila l'hann sentii, l'hann ciapaa e gh'hann spiegaa püssee cüratamént la via del Signúr. ²⁷E quand el vureva passà in d'Acaja, i fradèj, despö che l'aveven incuragiaa, hann scrivüü a i fradèj che 'l ricevessen, el qual, quand l'è riaa, l'ha jütaa tant quij che aveven credüü per via de la grazia; ²⁸defàtt, cun forza el cunfüdava püblegamént, dimustrand per mèzz di Scritür che Gesü l'è 'l Crist.

Navigaziun

• ← Indree a Capitel Derset
• Inanz a Capitel Desnöv →
• A l'indes