Apple III
L'Apple III (trascritt 'me Apple ///) a l'è staa on personal computer faa de la Apple in tra el 1980 e 'l 1984. Faa 'me successor de l'Apple II, el gh'ha avuu di problema de surriscaldament che, anca se poeu reparaa, han menaa al falliment del prodott.
Storia
ModifegaL'Apple II a l'éra diventaa a la svelta el core business de l'azienda, ma la dirigenza, vist i limitazion del sistema, han voruu fà on noeuv prodott per vèss pront a 'n croll del vend del vegg Apple II. A l'è staa donca parpoeust l'Apple III, 'na version pussee performanta e adatta a l'offizi de l'Apple II.
Caratteristich tecnegh
Modifega- Microprocessor: MOS 6502 a 2 MHz
- RAM: 128 KB
- Read Only Memory: 4 KB
- Memoria de massa: Floppy de 143 KB
- Espansion: 4 port de espansion, 2 port serial, 'na porta per disch e sortida esterna.
El sistema a l'éra progettaa per vèss compatibil intregament cont l'Apple II. Per precisa scerna del Steve Jobs el sistema l'éra senza i ventol per rinfrescà el sistema, de lu retegnuu tropp rumoros.
A l'éra dotaa anca de Real-time clock, però difettaa, e che dònca a l'è staa prima desattivaa e poeu sostituii.
Variant
ModifegaLa prima revision
ModifegaLa prima version del computer a l'éra pocch testada e el gh'ha avuu on mugg di problema: Per esempi el surriscaldament l'ha menaa on poo de motherboard a brusàss, e anca l'orelogg el gh'ha avuu tancc problema.
La prima revision la resolveva la pupart di 'sti problema e la sbassava el cost del computer.
Apple III+
Modifega
L'Apple III+ a l'è sortii in del 1983 per corregg anca i ultim problema a l'orelogg e cont on cost anmò pussee bass.