Apucaliss Capitel Set

Quel articul chì l'è scrivüü in Lumbard, cun l'urtugrafia insübrica ünificada.

Apucaliss

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Set

¹Dopu de chèstcoss, huu vedüü quater àngiul essend staa in pee sü i quater cantún de la tèra, tegnend i quater vént de la tèra perchè un vént büfàss no sü la tèra né sül mar né sü ogni pianta. ²E huu vedüü un alter àngiul che 'l va sü del sorg del suu avendugh un sigìll de Diu vivént, e l'ha criaa in d'una granda vús a i quater àngiul a i quij hinn staa daa a lur de fà maa [a] la tèra e 'l mar: ³disend: «Fee minga maa [a] la tèra né 'l mar né i piant, fin che èmm metüü un sigìll [sü] i sèrv del noster Diu sü i lur front». ⁴E huu sentii 'l nümer de [quij che hinn] sigilaa, cént quaranta quater mila, sigilaa de ogni tribü di fiöö d'Israél:
⁵del tribü de Giüda dodes mila sigilaa,
del tribü de Rubén dodes mila,
del tribü de Gad dodes mila,
⁶del tribü de Ascér dodes mila,
del tribü de Naftali dodes mila,
del tribü de Manassè dodes mila,
⁷del tribü de Simeòn dodes mila,
del tribü de Levì dodes mila,
del tribü de Issachàr dodes mila,
⁸del tribü de Zebulún dodes mila,
del tribü de Giüsèpp dodes mila,
del tribü Bengiamìn dodes mila sigilaa.
⁹Dopu de chèstcoss huu vedüü, e varda, una granda fola, che nigün el pò cuntàla, de ogni naziún e tribü e gént e lénguv, essend staa in pee denanz al tronu e denanz al berìn, vestii [in de] bianch tònegh e palm in di sò man, ¹⁰e crien in d'una granda vús, disend:
«La salvèza [el sia] al noster Diu
e a lü che 'l se seta giò sül tronu e al berìn». ¹¹E tücc i àngiul eren staa in pee inturna al tronu e a i anziann e a i quater vèss vivént e hann burlaa giò denanz al tronu sü i lur fàci e s'hinn ingenügiaa a Diu ¹²disend:
«Amén,
la benediziún e la gloria e la savièza
e i grazi e l'unúr e la puténza
e la forza [la sia] al noster Diu in di sécul di sécul:
amén». ¹³E vün di anziann hann respundüü, disendum: «Chèst [che hinn] vestii [in di] bianch tònegh chi hinn e de due hinn vegnüü? ¹⁴E gh'huu dii: «Mè signúr, tì te seet». E 'l m'ha dii: «Chèst hinn quij che vegnen de la granda tribülaziún e hann lavaa i lur tònegh e i hann faa bianch in del sangh del berìn. ¹⁵Per via de chèst
hinn denanz al tronu de Diu
e ghe serven dì e nocc
in del sò témpi,
e lü che 'l se seta giò sül tronu 'l sta de cà sü lur.
¹⁶Gh'avarànn pü famm né gh'avarànn séd né 'l börla giò sü di lur el suu né ogni calúr,
¹⁷perchè 'l berìn de sü in del mèzz del tronu el i pascularà e 'l i menarà sü surgént de acqu de [la] vita,
e Diu 'l sügarà ogni làgrima di lur ögg.

Navigaziun

• ← Indree a Capitel Ses
• Inanz a Capitel Vot →
• A l'indes