Arnaldo Mussolini
|
Quest articol chì l'è scrivud in lombard, con la Noeuva Ortografia Lombarda |
L'Arnaldo Mussolini (Dovia di Predappio, 11 de sginer 1885 - Milan, 21 de dicember 1931) a l'è stad un giornalista, maester e politegh italian, fradell pussee piscinin del Duce Benito Mussolini.
Fioeul de l'Alessandro Mussolini, el se diploma a la scoeula media agraria e 'l se marida poeu con l'Augusta Bondanini, con la che la gh'ha trii fioeu: Vito, Sandro e Rosina. Prima de tornà a insegnà al so pajes l'è stad anca a insegnà in Friul e l'è stad secretari comunal de Morsano al Tagliamento.
Quand che 'l fradell l'è andad su al governo l'è deventad diretor de il Popolo d'Italia e in del midem ann el deventa masson. L'era propi religios, a diferenza del Benito, e despess l'ha jutad el Regim a fà la pas con la Gesa, per esempi in sul tema de l'educazzion di sgioven catolegh.
El s'è poeu ocupad de la "mier secreta" del Duce, la Ida Dalser, che l'è internada in manicomi, menter el so fioeul, el Benito Albino, l'era tratad ben de lu.
L'è mort a l'improivs de arrest del coeur in del 1931, a 46 agn. L'è miss sota in del cimiteri de Mercato Saraceno. El Duce l'ha mandad un telegrama a ogni scoeula d'Italia e gh'ha ordenad de piantà una quercia in soa memoria, e poeu l'ha scrivud una biografia del fredell.
Bibliografia
Modifega- Benito Mussolini, Vita di Arnaldo, Tipografia del "Popolo d'Italia", Milano, 1932
Alter proget
Modifega
Wikimedia Commons el gh'ha dent imagin o alter archivi su Arnaldo Mussolini
