Autün

Quel articul chì l'è scrivüü in Lumbard, cun l'urtugrafia insübrica ünificada.

L'autün (otörno , atùno ó utùen in lumbard uriental; brüma, bruma o brima in ussulan) l'è vüna d'le quator stagión dell'an. Gh'è dü tipi d'autün: quel astronomich e quel meteorologich.

L'Autün dal Giüsèp Arcimbòld

Autün Astronomich

L'autün astronomich ind el emisfér bureàl l'inissia el dì dell'equinossi d'autün, el 22 o el 23 setembor, e'l finìss el dì dal solstissi d'invèrn, el 21 o el 22 disembor. Fin a cal mumént chi, la part ilüminàda e le ure de lüs i calun. El 22 o el 23 setembor (in bas al dì dell'equinossi d'autün) i rag dal sul i en drit a l'equatùr e'l circul d'ilüminassión el passa par i poli.

Autün Meteorologich

L'autün meteorologich inissia invece el prim dì de setembor e'l finìss el 30 nuembor. Vegn donca cunsiderada cume la stagión che la cumprénd i tri mes de setembor, utubor e nuembor ind el emisfér nord, o quela che la cumprénd i mes de mars, aprìl e mag ind el emisfér süd.

Vus curelade

• Estàd
• Invèrn
• Primavera
• Stagion