Bandera de l'Altitalia

Quest articol chì l'è scrivud in lombard, con la Noeuva Ortografia Lombarda

L'Altitalia l'è no un'entità politega unega, ma gh'è stad di tentativ de dàgh una bandera, per di reson politeghe o domà de classificazzion grafega.

Proposte

Bandera de la Padania

El moviment politegh Lega Nord, che 'l sostegniva l'independenza de la Padania de l'Italia l'ha insubid 'me bandera del territori che 'l voreva fà su un drapon bianch cont el Sol di Alp in del mez, a representà i ses grup lenguistegh de la zona: i gall-italegh, i veneti, i tiroles, i forlan, i ladin e i ocitan-arpitan.

'Sta bandera la gh'ha havud resonanza squasi domà in l'ambit de quell partid e l'è sociada domà a lu.

Bandera neutra

Inscì de podé identifegà a la svelta el Nord senza havégh de doperà la bandera leghista un poo de ent hann insubid una bandera ispirada a quella di volontari federalista del Carlo Catani del 1848, in la prima guerra d'independenza italiana, ossia 'na Cros de San Giorg bordada de verd, cont i color de la bandera italiana, che vegnen de quei de la cità de Milan.

Cros lombarda

La Cros de San Giorgg, simbol de la Liga Lombarda e de on poo de cità de la Lombardia storega 'me Milan, Genoa, Resg Emilia, Ivrea e Padova, cità de la Liga Veronesa, a l'è stada doperada di voeulte 'me bandera colturala de la zona padana per el so retagg storegh. A l'è stada anca lee, anca se manch, sociada a la Liga Nord, vist che l'éra la bandera de la sezzion lombarda.

Galleria

• 
  Bandera de la Padania de la Liga Nord
• 
  Veggia version de la bandera padana con la Cros de San Giorgg
• 
  Bandera neutra
• 
  Bandera di federalista del 1848
• 
  Bandera de la Liga Lombarda

Riferiment

• Padania (Italy)
• A flag for Northern Italy
• LA DISPUTA È NATA ALLA FESTA DELLA ZUCCA CON IL DONO A BOSSI DI UNA FORMELLA IN CERAMICA
• The many Crosses of St. George

Vos corelade

• Simboi de la Lombardia