Apri il menu principale
Lumbard ucidental Quest articol chì l'è scrivuu in lombard, grafia milanesa.
Bandera de la Region Lombardia
Bandera de la Region Lombardia
DescrizionVerda, a la cros curvilinia d'argent inclinada in sens orari.[1]
Proporzion2:3
ColorVerd e Bianch
TipolojiaBandera civil
Adozion29 gener 2019
Dovrada daLombardia
StatItalia
This box: view  talk  edit

La Region Lombardia, a norma del sò Statut, la gh'ha 'me simboi la bandera, el stemma, el gonfalon e la festa.

BanderaModifica

Offizialment, fina al 29 de gener 2019, gh'è minga stada ona bandera , anca se a l'era doperaa de facto el stemma adattaa anca offizialment e in di edifizi publegh.

Gh'hinn staa di propost per doperà la bandera milanesa (e anca di idej per giontagh insemma a la roeusa camuna).

Inscambi, on studi del 2007 de l'IReR (Instituu Regional de Ricerca de la Lombardia) in su l'araldega lombarda l'è rivaa a la conclusion de doperà el Ducal di Viscont, cond anca on sbozz de ona version moderna de la bandera, disegnada del Marc Foppol.[2]

El 29 de gener del 2019 (minga senza ona quai polemega denter e foera del Pirellon)[3][4] l'è staa scernuu come bandera offiziala el stemma regional,[3][1] insema a ona fassa istituzionala per ol president del Consili e de la Giunta regional (verda, cond sora la roeusa camuna) e anca on distintiv per i consiliee (semper cond la roeusa camuna).[5][1] L'è stada aprovada anca ona mozion per spantegala in tutt el territori regional[6] e on'oltra che la impegna la giunta a individuar e recognoss i simboi storegh lombard.[7]

StoreghModifica

La Lega LombardaModifica

 
bandera de Milan

I soldaa de la Liga Lombarda i eren reunii sota la bandera de Milan, che l'era in del Carrocc de Milan, e l'è entraa in di stemma di on fracch de cità de la Liga, e anca in quell de Lissandria, fondada da la Lega.

El Ducaa de MilanModifica

I ViscontModifica

A l'inizi i Viscont doperaven la Cros rossa, ma sotta el regn del Gian Galeazz Viscont han poduu doperà, con l'autorizzazion de l'Imperator, anca l'aquila imperiala, che l'è stada giontada in del stemma e in de la bandera. Semper sotta el Gian Galeazz, l'era dovraa anca el lili de Franza, per el so matrimoni con la Isabella de Valois.[8]

 
El Ducal

Però, tecnicament, la bandera de la Liga Lombarda l'è restada offizial finna al 1797.

La Republega AmbrosianaModifica

In di agn de l'Aurea Republega Ambrosiana (1447-1450), gh'è stada ona bandera noeuva, cont la Cros de San Giorg e on stemma de Sant Ambroeus, primm vescov de Milan elegiuu di sgent.

 
bandera Ambrosiana
I SforzaModifica

Sotta i Sforza, la bandera l'è rimanuda quella di Viscont. Di cambiament gh'hinn staa sotta el governà franzes, indoa che el stemma frances a l'era mituu al post de quell imperial.[8]

Inveci, sotta el governà austriegh, la bandera di Asburgh a l'era doperada despess insemma a quella de Milan.

I Gonzaga (Mantoa)Modifica

La bandera dei Gonzaga de Mantoa l'è semper stada ona cros rossa e con l'aquila in di quatter lat.

El Lombard-VenetoModifica

La bandera del Regn Lombard-Veneto l'eva verda, cont el stemma austregh in negher.

Inveci, in del stemma, gh'è el stemma del Austria e in del scud i stemma de Milan e de Venezia.

Regn d'ItaliaModifica

Anca se i region in del ordinament del Regn d'Italia gh'eren minga e gh'iva domà la fonzion de circoscrizion de decentrament statistegh-amministrativ, in del 1910 l'è stada avanzada on'ipotesi per dagh di stemma. Per la Lombardia l'è staa scernuu el Bisson viscontee,[9] proposta portada anmò del storegh Giuseppe Gerola in del 1927.[10]

StemmaModifica

Roeusa camuna
 
Blasonadura
  • De verd, a la cros curvilinia d'argent inclinada in sens orari[11]
  • De verd, a la Roeusa camuna d'argent (minga offizial)

El stemma lombard d'incoeu l'è la roeusa camuna d'argent, vun di graffit de la Val Camonega, disegnaa dal Bob Noorda, metuuda denter a on verd, che 'l representa la Pianura Padana.

Vos corelaaModifica

RiferimentModifica

  1. 1,0 1,1 1,2 (IT) Pdl 45, XI legisladura (pdf)
  2. (IT) L'araldica della Regione Lombardia, su Opac - Biblioteca del Consiglio regionale della Lombardia. (pdf)
  3. 3,0 3,1 (IT) Lombardia, ecco la bandiera ufficiale ma…, mbnews.it.
  4. (IT) Bandiera Lombardia, tra ripensamenti e San Giorgio, giornaledisondrio.it.
  5. (IT) Lombardia, via libera unanime in consiglio a bandiera e fascia ufficiale della Regione, bergamonews.it.
  6. (IT) Ordine del giorno n. 351 - Adozione della bandiera della Regione Lombardia: previsione di un appostamento di bilancio in merito alla diffusione della bandiera di Regione Lombardia (pdf)
  7. (IT) Ordine del giorno n. 352 - Adozione della bandiera della Regione Lombardia: individuazione e riconoscimento dei simboli e delle bandiere storiche di Regione Lombardia (pdf)
  8. 8,0 8,1 (IT) L’Araldica della Dominazione Francese nel Ducato di Milano (PDF), araldicavisconteo-sforzesca.it.
  9. (IT) Giacomo C. Bascapè e Marcello del Piazzo (con la cooperazione di Luigi Borgia), Insegne e simboli - Araldica pubblica e privata medievale e moderna (PDF), Roma, Ministero per i beni culturali e ambientali, 1983, p. 280. URL consultato il 15 gennaio 2019.
  10. (IT) Giuseppe Gerola. «Gli stemmi storici delle regioni d'Italia». La Lettura, 1 maggio 1927. Indiriss Internet de la nutissia in data 15 gennaio 2019.
  11. (IT) Simboli e ricorrenze - Regione Lombardia