Battaglia de Fan
La Battaglia de Fan l'è stada ona battaglia combattuda tra l'esercit roman de l'imperador Aurelian e i Alemann che aveven invaduu l'Italia, e l'è finida con la vittòria di Roman.
Quella battaglia chì l'è stada la segonda combattuda in Italia dòpo che i Alemann, de la tribù di Iutungg, eren andaa giò in Italia. I barbar aveven vingiuu i Roman a Piasenza grazie a on'imboscada, poeu aveven taccaa a andà a sud, in direzion de Roma.
Quand che hinn passaa arent a la città de Fan (che la se troeuva in di March del dì d'incoeu), i Alemann hinn staa costringiuu a scontràss con l'Aurelian, che l'era riessii a fà sù on esercit noeuv e rivà a lor.
L'Aurelian l'è riessii a fà s'cerà i barbar cont el fiumm Metaur ai spall, inscì che quand che l'ha sfondaa i sò posizion de lor, molti Alemann hinn borlaa giò in del fiumm e hinn mòrt negaa.
A bon cunt, i Alemann hann poduu scappà vers nòrd, longh la via Emilia, fina a Pavia, indove l'Aurelian j'ha battuu definitivament.
Bibliografia
Modifega- Watson, Alaric, Aurelian and the Third Century, Routledge, 2003, ISBN 0415301874, p. 50.