Battista Geraldino d'Amelia
El Battista Geraldino d'Amelia (Amelia, 1434 o 1435 - dopo del 1486) a l'è staa on cavaliee, cortesan e politegh italegh.
Biografia
ModifegaFioeu del Mattee e de la Elisabetta Gerarda, a l'è educaa del fredell Angelo, el tacca poeu a studià dirizz a Perugia. L'è svesinaa poeu del fredell, amis de la cort del Papa e de quella de Milan e Napoli, a la cariera politega. L'è ordenaa cavaliee del Papa Callist III dopo avè faa el podestà in d'on poo de città del center-Italia in tra i quaj Montefalco, Orvieto, Ascoli Piceno, Fermo, Lanciano, Rieti.
Dopo avè faa temporaneament el rettor de la Corona de Aragona a l'è ciamaa a Milan per fà el podestà, anca se voramai a l'era 'na carega senza poder effettiv, del 1464 al 1468. Scernuu 'me podestà de Fiorenza a l'è inveci mandaa 'me governator de la Corsega milanesa del Duca de Milan Galeazz Maria Sforza, indova che però el governa maa e l'è regordaa 'me tirann, tant de vess rimoss del Duca e obligaa a risarcì i dagn per vess minga condanaa a mort. El riess pu a ottegnì di servizzi a la cort meneghina nonostant i domand di alter cort influent de la zona.
Borlaa in depression, el torna in la soa città per tegnì di offizi minor e domà in di agn 1470 el riess a tornà a di offizi important 'me el podestaa a Ancona, Fiorenza e Siena e la capitania del Popol de Perugia. A l'è nomenaa del Papa anca rettor de l'Aquila ma a l'è refudaa del popol per la svesinanza del fredell con la Cort de che se eren liberaa.
Maridaa con la Santina Cesi, gh'hann on poo de fioeui e el gh'ha avuu anca du fioeui illegittim, che hinn a la fin legittimaa del fredell ch'a l'era 'n cont palatin.
El moeur dopo del 1486.