Befreiungsausschuss Südtirol
El Befreiungsausschuss Südtirol (BAS, Comitaa per la Liberazion del Sudtirol) l'è staa on moviment separatista cont l'obiettiv de rivà a l'autodeterminazion del Sudtirol cont l'annession a l'Austria e l'unificazion de la region storega tirolesa sotta la sò sovranità. A l'è staa fondaa del Sepp Kerschbaumer in del 1956. La pupart di sò member l'è stada condannada di magistraa italian, ma hinn in libertà in Austria o in Germania.
_-_via_Sepp_Kerschbaumer.jpg)
La popolazion de lengua todesca del Sudtirol i considera di combattent per la libertà, per esempi el Consili Provincial de Bolzan l'ha approvaa 'na monzion in del 2009 per domandà la grazzia per i member del BAS, votada anca de 'na consijera italiana del Partii Democrategh. El partii Südtiroler Heimatbund l'ha critegaa pussee de 'na voeulta i Carabinieri per avè torturaa i member del BAS, cont di immagin di berrett di Carabinee cont del sangh sora e per i 50 agn de la Nòcc di foeugh hann faa anca 'na medaja cont la fascia de Kerschbaumer.
El comun de Apian, de maggioranza todesca, el gh'ha dedicaa 'na via al leader Kerschbaumer.