Bermuda (vestiment)
I bermuda a hinn ona sorta de braga curta, cont ona longhezza che la riva pù o manca ai genoeugg. A hinn ben spantegaa, in particolar in gins, come vestiment casual di òmen, mantegnend inscì la comoditaa di tradizionai bragh denim in de la version de l'estaa.
Origen Modifega
El sò nòmm el riva giò da la sò popolaritaa in de l'arcipelagh britannegh di Bermuda, indove vegnen mettuu su minga domà come on vestiment casual, ma ancasì in de di ocasion pussee tiraa, despess insemma a giacca e cravatta.
I bermuda a hinn nassuu per dà ona soluzion ai proibizion imposuu d'ona legg locala, che l'inebiva i dònn del fà vedè i gamb tutt biòtt. Minga tròpp temp apos a hinn deventaa on indument anca per i òmen[1].
Usagg Modifega
L'esercit britannegh l'ha adottaa l'usagg di bermuda per i stanziament in di pais tropegai e in del desert, e al dì d'incoeu hinn ancamò part de la divisa de la Marina Reala.
Variant Modifega
Cargo-pants Modifega
Compagn di bermuda per longhezza a hinn i cargo-pants, che però se desferenzien per avè on taj "baggy", e, in general, vess ancamò men "elegant" di bermuda.
Costumm da bagn bermuda Modifega
|
Per savenn pussee, varda l'articol Boxer (costumm da bagn). |
De solet se indica cont el termen "bermuda" anca 'l costumm da bagn per òmm a braghett curt.