Bertagnin

Quest articol chì l'è scrivud in lombard, con la Noeuva Ortografia Lombarda

Bertagnin
Origen
Alter nòmm	Bertagnì
Pòst d'origen	Italia
Region	Lombardia
Area de produzion	Lombardea oriental
Dettaj
Categoria	segond piatt
Ingredient principaj	Merlœuzz

I bertagnin (bertagnì in grafia fonetega) i è un mangià tipegh de la Lombardea oriental, soratœut de Bressa, rivad in la zona quand che al governo gh'iva la Repœulega de Venezzia, fad cont el merlœuzz, che l'è pastellad e fà friser in l'oeule. A l'è in tra quei che 'ncoeu sa ciama "mangià de strada".

Riceta

Ingrediencc

• 800 gram de merlœuzz
• 100 gram de farina bianca
• Oeule per fà friser
• Sal e piver (quant che l'è assee)

Procedura

1. Se met la farina bianca in d'un piaton e se mes'cia con la sal, ol piver, e 'n poo d'aqua, fina a havìga œuna pastella
2. Tejà el merlœuzz a tochèi e metij dent in de la pastella
3. Fà friser el pess impastellad con tant œule e quand che i è bei indoracc tœui fò e fài sugà

Sa pœul mangiài cold o frecc.

Riferiment

• Riceta in bergamasch
• VENERDÌ, GIORNO DI “BERTAGNÌ” NEL BRESCIANO
• Baccalá fritto (ol bertagnì)