Bias Belott
El Bias Belott (italian: Biagio Bellotti; Busti Grand, 26 de febrar del 1714 - Busti Grand, 5 de agost del 1789) l'è staa on canonegh, pitor, architett, scultor, organista e scritor lombard.
Senza dubbi l'è staa vun di personalità pussee viscor de la società bustocca del XVIII secol. L'ha scrivuu di test teatrai (vun di quai, el Maritaggio di Mommina, anca con di part in bustocch) e di poesii, l'è staa musicista e l'è staa bell important in del camp di art figurativ. La pupart di sò oeuver hinn di afresch, architettur e decorazzion de caratter religios. Se cred che 'l sia staa influenzaa de bon del Giambattista Tiepolo.
L'è vea che ponn raspondi certa sgenti,
da guardà par cà meja;
ma in cà meja l'è patta dafferenti.
Ra me superbia l'è,
coma va foeura or carro,
toeù ra me forca in spalla e 'ndaghi adré;
e ra mia imbizion l'è in di dané...
Ma mo, tutto or bordell
al voeui domà cascià pizz e bindell,
pantitti damascavi,
pantofan raccamavi;
sa ved domà glassè,
e dotta na 'n ga n'è.
Se cai ramaggi gh'hen on pò da dotta,
na sa sa s'a la sia crua nè cotta...
mo tugg i por tosann
portan i sò indiann...
n'hin nen mo bonn da guadagnà on quattren.
E voeuran i scossà da mussolen...,
e da camisi ga n'hen voeuna o do,
che guaja a lor se ar sabo n'al dà or so...,
e da maoss n'i rivan nenchi ar cù.
[...]