Biblioteca capitolar del Dom de Milan
|
Quest articol chì l'è scrivud in lombard, con la Noeuva Ortografia Lombarda |
La Biblioteca capitolar del Dom de Milan, ciamada anca Biblioteca del Capitol metropolitan de Milan[1], a l'è la biblioteca del capitol del Dom de Milan, la pussee veggia de quelle verte anca incoeu in la capital lombarda.[2]
L'è minga de sconfonder con la Biblioteca de la Fabrega del Dom, sita in del Palazz de l'Orelogg, e che la gh'ha dent ducument e altra roba in su la storia de la Catedral e de la Fabrega del Dom.
Storia
ModifegaTant 'me che per el capitol el se sa poch de la soa storia, oltra al facc che la gh'era 'me catada de test liturgegh sota el vescov Dateo.[2] In di prim agn del Dom l'era tacada a l'entrada principala, a l'è spostada, insema al capitol, in d'un noeuv palazz del 1635.[2]
Collezzion
ModifegaLa biblioteca la gh'ha dent pussee de 45000 volum stampad, circa 500 manoscrit, 68 incunabol e 878 cinquecentine.[2] Dent gh'è anca di oeuvere del Sant Ambroeus e vari test liturgegh del rit ambrosian, ma se troeuven anca di ducument monastegh de rit patriarchin, se pensa doperad in la diocesi de Com.[2]
Dent gh'è anca l'archivi del Capitol, con dent i ducument de la parochia de Santa Tecla, de la retoria de San Gotard in Cort e de l'Arciconfraternita del Santissim Sacrament.
Note
Modifega- ↑ Biblioteca del Capitolo metropolitano di Milano
- ↑ 2,0 2,1 2,2 2,3 2,4 it-IT Biblioteca Capitolare del Duomo di Milano: culla di tesori letterari. URL consultad in data 2024-06-01.