Blindside (vulnerabilità)
Vulnerabilità informatega
|
Quest articol chì l'è scrivud in lombard, con la Noeuva Ortografia Lombarda |
Blindside a l'è una vulnerabilità che la met insema una corruzzion de la memoria con l'esecuzzion speculativa, inscì che i proeuve de corruzzion menen minga a un crash del sistema operativ, a schivà anca ogni mitigazzion del so temp contra Spectre, nonziada in del 2020 per el kernel Linux ma, in linia de massima, possibel in su ogni sistema.
A doperà l'esecuzzion speculativa, ogni resultad gram el lassa nissun efet foeura che in la cache, che la po vesser poeu analizada per capì indova tacà. Ghe voeul però, perchè el sia possibel, un atach de corruzzion de la memoria, che 'l permet de analizà la memoria a nivell de kernel e de fà su di primitive per la soa analisi e manipolazzion senza fà rebellot.