Lumbard ucidental Quest articol chì l'è scrivuu in lombard, grafia milanesa.

Spectre a l'è 'na vulnerabilità de sicurezza che la colpiss praticament tucc i microprocessor dovuda a la predizion di diramazion e che 'l permett a on programma de legg la memoria mappada de 'n alter programma. Hinn staa classificaa cont i codes CVE-2017-5753 e CVE-2017-5715.

Logo de la falla

Storia Modifega

La falla a l'è stada nonziada insemma a Meltdown el 3 de genar 2018 dopo vess stada descoverta del Project Zero de Google.

Impatt Modifega

A la descoverta praticament tucc i computer a hinn colpii de Spectre, vist che la tacca sia Intel, sia AMD, sia ARM sia PowerPC, anca se AMD a l'è men vulnerabil per la soa architettura. A differenza de Meltdown, che se pò corregg fazilment via software, Spectre el gh'ha besogn de 'na profonda patch hardware e 'na revision de l'architettura.

Fonzionament Modifega

Spectre la forza di programma a leng di porzion de memoria che hinn no autorizzaa a leng. I processor d'incoeu doperen l'esecuzion speculativa per velocizzà i operazion: El voeur dì che 'l processor el fa i operazion pussee probabij prima che sien domandaa, e se i sò ipotesi eren falaa ja scancella, ma domà se la soa presenza la influenza i operazion in cors: Spectre dimostra che l'è possibil ciappà di informazion reservaa de la CPI grazia ai operazion minga scancellaa. A differenza de Meltdown, che l'è on problema ligaa in sostanza a 'na marca, Spectre a l'è 'n ideja generala che se pò applicà a ogni processor che 'l dopera la predizion di diramazion.

Riferiment Modifega

Vos corelaa Modifega