Blue Screen of Death
El Blue Screen of Death (Schermo Bloeu de la Mort in ingles) a l'è 'n error de sistema tipegh de Windows che 'l indega on error fatal che 'l gh'ha de menà a 'n arrest del sistema che 'l pò pù operà in manera sicura.
In di sistema Windows 9x, ancamò fondaa in sul MS-DOS, a l'era 'n error assee comun e minga de grand importanza, tant che despess l'era superabel, anca se desconsiliaa, menter in di sistema fondaa in sul Windows NT a l'è 'n error assee important e gramm. El BDoS el gh'era giamò in Windows 1.0, indova che 'l dava 'n dump ASCII de part del kernel, senza nissuna utilità per l'utent, ròba cambiada in Windows 3.x, indova che 'l BDoS el nonziava anca che 'n applicazion la s'era fermada e la respondeva puu.
In la presentazion de Windows 98 vun di computer doperaa el s'è s'ciantaa proppi menter 'l Bill Gates el parlava, e l'ha menaa la folla a ridd proppi de gust.