Bristol
Bristol (Bryste in galles; Briostó in irlandes; Bricgstōw in ingles antigh) l'è ona città de l'Inghilterra del sud-ovest, cont ona popolazion de pussee de 430.000 personn.
Geografia Modifega
La città la se troeuva in de la region del Sud-Ovest, la gh'ha el status de city e l'è anca ona contea e on distrett minga metropolitan.
L'è traversada del fiumm Avon e la confina cont i contee del Gloucestershire e del Somerset.
L'è minga lontana del Galles, e la se troeuva in sui spond del Canal de Bristol (part de l'Ocean Atlantigh).
Storia Modifega
El nomm antigh, Bricgstōw, el voeur dì piazza in sul pont.
Bristol l'esist giamò del XI secol; ai temp di Normann a Bristol el gh'era vun di castei pussee important de l'Inghilterra del sud.
In del XII secol Bristol l'è vegnuda on port important, perchè l'era chì che la partiva la pupart di nav che l'andava in Irlanda.
El genoves Giovanni Caboto l'è partii de chì quand l'è andaa in America in del 1497.
Oltra a vess on port bell grand, Bristol l'era anca on centro de la tessidura, e per quest, a partì del 1760, l'è entrada in concorrenza con Liverpool.
El blocch contra l'Inghilterra voruu del Napoleon, insema a l'abolizion de la s'ciavitù (1807), la gh'ha portaa via a Bristol on bell poo de ricchezza: a bon cunt, dopo la guerra cont i Frances, la città l'ha conossuu la Rivoluzion Industrial, e la popolazion l'è cressuda de brutt in del Vottcent.
Duranta la Segonda Guerra Mondial, Bristol l'è stada bombardada on fracch de volt.
Gent nassuda a Bristol Modifega
- Cary Grant, attor.
- Bansky, artista.
