Bruscian
Bruscian (Bruzzano) l'è on quarter de Milan, situaa in de la periferia nòrd de la città. El se troeuva in del municipi 9, a nord del center citadin.
Stòria
ModifegaBruscian l'è staa per tanto temp on paes de paisan, in su la strada che la va de Milan a Còmm.
Per on bell poo de temp l'è staa el center de ona piev milanesa.
In del period napoleònigh (1810) l'è stada prima unida a Brusuj, poeu (1811) a Bress insema a Corman. La situazion l'è tornada quella de l'Ancien Régime cont el Regn Lombard- Venet.
Con l'Unità d'Italia Bruscian l'ha ciappaa el nòmm offizial de Bruzzano Due Borghi, per evità de fà confusion cont el comun calabres de Bruzzano Zeffirio.
L'indipendenza comunal de Bruscian l'è durada fina al 1869, quand che 'l paes l'è staa unii ad Affer insema a Bress e Derghen.