Chiróni

Quel articul chì l'è scrivüü in Lumbard, cun l'urtugrafia insübrica ünificada.

Chironegh (parnunziaa in del dialet lucal Ciróni, Chiróni e un temp anca Cüróni; in Italian a l'è Chironico) l'è una fraziun del cumün tisines de Faid, in de la Leventina.
El quata la banda ucidental del cumün in sül curs del Tesin e 'l cunfina a nord cunt el caplögh cumünal, a nord-est cunt Anzonegh, a süd-est cun Sgiurnii, a süd cun Senögn (in Val Verzasca), a ovest cun Lavizzara (in Val Magia), a nord-ovest cun Dalp.
L'è staa un cumün indipendent infina al 2011.