Cafè del pignatin
|
Quest articol chì l'è scrivud in lombard, con la Noeuva Ortografia Lombarda |
El cafè del pignatin o cafè del pariolin a l'è stada 'na manera tipega de l'Altitalia de fà e servì el cafè prima che la rivass in di cà la cogoma e, infin, la Moka, che l'ha mandad 'sto sistema in pension, anca se l'è restad despess in di sagre o in di menù tradizzionai.
| Cafè del pignatin | |
|---|---|
 | |
| Origen | |
| Alter nòmm | Cafè del pariolin, Cafè vigezzin |
| Pòst d'origen |  Italia |
| Region | Lombardia Piemont Liguria Friul-Venezzia Giulia |
| Area de produzion | Altitalia |
| Dettaj | |
| Categoria | bibita |
| Ingredient principaj | Cafè, aqua colda |
| Variant | Se poden sgiontà buter, grapa, vin o di surrogad del cafè |
Tecnega Modifega
El cafè del pignatin el se faseva in d'un pariolin, de solet de ram, che 'l se meteva in sul foeugh o in sul camin fina a fà buj l'aqua. Se sgiontava poeu el cafè masnad, despess insema a di alter robe compagn de l'orz, de la zicoria o de 'na miscela comercial, che costaven manch e se trovaven pussee a la svelta in del period de l'autarchia. Soratut i men sciori, despess, meteven nanca el cafè e doperaven domà di surrogad.
A l'era anca possibel meter el cafè dent in l'aqua intant che la se scoldava, ma besognava toeulla via prima che la bujiss, anca se 'n quajvun, soratut coi surrogad, el bujiva anca pussee de 'na voeulta, roba che la dava un cafè pussee amar e con pussee cafeina.
Quand che l'era voeulta un quaj menut per speccià che i fond vaghen sota, se serviss, di voeulte dòpo havéll passad in d'un colin.
Desgià che despess el resultad a l'era no inscì fort, tancc sgiontaven un quajcoss, de solet grapa, lacc, vin o buter, e se podeva servì con di dolz o anca con del pan, bianch o de segra.