Carlo Romanò

Quest articol chì l'è scrivuu in lombard, grafia milanesa.

El Carlo Romanò (Cantù, quatter de magg del 1789 - Dongh, 13 de november del 1855) l'è staa on vescov catolegh lombard.

On'incision del vescov de Romanò.

Vita

L'è nassuu a Cantù de 'na fameja borghesa. L'è deventaa preved e segretari del vescov Gioann Battista Castelnoeuv. L'è deventaa poeu vescov de Comm a partì del 1834 fina a la soa mort.
In del sò episcopaa l'ha dovuu viv in del mezz del Risorgiment italian: in quell cas chì, l'ha sostegnuu el governa austriegh, e per quest l'è staa criticaa di patriota comasch (per esempi, el Luis Dottes el le ciamava on preved gnorant e prepotent). Inoltra, l'ha dovuu combatt i tendenz a destaccàss de la Diocesi de Comm che vegniven del Canton Tesin.
Dopo che l'è mort, gh'è passaa trii agn prima che 'l vegniss nominaa on vescov noeuv, cioè l'Isepp Marzoraa.