Carrozz a du pian Casaralta
| Casaralta | |
|---|---|
| Caroza | |
 Carrozza in livrea navetta a la stazion de Udin | |
| Agn de ordinazion | 1978 |
| Agn de esercizi | 1981- incoeu |
| Quantitaa produxida | 382 remorciaa e 78 semipilota |
| Lungeza | 24'280 mm |
| Largeza | 2'846 mm |
| Alteza | 4'320 mm |
| Capacitaa | 161 (carrozza classega) 143 (semipilota) |
| Quota del pian del pestar | pian inferior: 385 mm pian superior: 2 306 mm |
| Scartament | 1'435 mm |
| Interperno | 17'800 mm |
| Pass di carrei | 2'400 mm |
| Massa a vœd | 42 t |
I carrozz a du pian Casaralta a hinn di carrozz passegee pensaa per el servizzi suburban e regional a volta frequentazion.
Storia Modifega
In di agn '60 el se spantega el fenomen del pendolarism de massa vers di gran città e i Ferrovij del Stat italiann han dovuu slargà el servizzi in pocch temp, degià che 'l servizzi local l'era per la pupart faa ancamò cont i vegg Centoporte e Corbellini, voramai puu adatt al servizzi che eren assegnaa.
In di SNCF franzes eren in esercizzi del 1975 di carrozz moderni per el servizzi suburban a dò pian: i FS commissionen in del 1978 'sta carrozza cont di modifegh minim ai Officin Casaralta de Bologna e entren in servizzi in di ferrovij italian in del 1980.
In di agn 2020 tacchen a vess sostituii: Trenitalia ja cava del servizzi in quell ann lì, sostituii di Rock. Giamò prima l'introduzion di Vivalto l'eva sbassaa el numer de 'sti carrozz ch'eren necessari.
Caratteristegh Modifega
Oltra ai du pian, che aumenten fiss el numer de personn che se pòden portà, gh'hann anca di port pussee grand per favorì l'andà su e l'andà giò, e i zonn de intercomunicazion hinn desviluppaa per favorìll.
La velocità massima l'è de 140 km/h e gh'è anca di version semipilota per la trazion elettriga.
Us per azienda Modifega
FS e Trenitalia Modifega
I Ferrovij del Stat, deventaa poeu Trenitalia, i han doperaa assee per i sò servizzi suburban e poeu i han sostituii cont i moderni Vivalto e Rock, che i han sostituii in del 2020.
Ferrovij Nord Milan Modifega
In del 1974 la Region Lombardia la crompa i FNM e la decid de renoeuvà el parch rotabil perchè voramai vegg e la da l'incaregh a la Metropolitana Milanesa de fà on pian de renoeuvament che 'l consist in del crompà de 24 de 'sti carrozz, oltra a 28 carrozz ordinari e 12 automotris FNM E.750, consegnaa in tra el 1980 e 'l 1981, e in del 1987 n'hinn consegnaa alter 18. Han faa servizzi anca in del passant ferroviari de Milan con la darrera livrea verd-bianch di "Ferrovij Lombard". A differenza de quej di FS eren dotaa del rampin Scharfenberg per cobbiai pussee a la svelta cont i automotris.
Trenord Modifega
Con la costruzion de Trenord tucc i carrozz FNM e Trenitalia a hinn daa a la noeuva azienda. Quej de Trenitalia hinn sistemaa con la livrea noeuva e modifegaa in di interni, con anca l'aria condizionada. Quej de la FNM hinn staa poeu, insemma a l'accantonament di vegg motris, mittuu via e cannibalizzaa.
Del 2019 di carrozz a hinn staa dotaa de allestiment de prima class: prima de quella data per mett la prima class la se metteva ona carrozza MDVC.
Ferrovij del Sud Est Modifega
In del 1998 la Casaralta l'ha daa ai Ferrovij del Sud Est vott carrozz in stil FS de che dò semipilota e han formaa du treni navetta per la ferrovia Bari-Martina Franca e tiraa de la locomotiva DE.122 e de la locomotiva FSE BB.150. Al dì d'incoeu ses hinn ancamò in servizzi e alter dò hinn accantonaa per vess cannibalizzaa.
Galleria di foto Modifega
-
Casaralta FS in livrea XMPR in del passant ferroviari de Milan -
Treno FS in corsa -
Pilota Trenitalia -
Interni de la varianta FS -
Varianta FNM -
Interno de la varianta FNM -
Interno de la varianta FNM -
Carrozza pilota Trenord -
Vista de l'intercomunicant -
Treno Trenord in corsa a Milan per Mortara -
Carrozz Trenord a Lissandria -
Version FSE
_I.jpg)
Bibliografia Modifega
- Giovanni Cornolò, Arrivano i "Tigrotti", in "I Treni Oggi" n. 46 (gennaio 1985), pp. 22–25.
- Giovanni Cornolò, Cento anni di storia... delle Ferrovie Nord Milano, Globo Edizioni, Trento, 1979, pp. 177–183
- Giovanni Cornolò, In servizio le «due piani» sulle FNM, in "I Treni Oggi" n. 1 (settembre 1980)
- Azienda autonoma delle Ferrovie dello Stato, Relazione annuale - 1981, 1982.
- Pietro Marra, Rotaie a Sud Est. Ferrovie da Bari al Capo di Leuca. Da Bastogi, ai Bombrini, ai nostri giorni., PGM, Bagnacavallo (RA), 2014, ISBN 978-88-909824-0-8, pp. 304–306
Alter progett Modifega
Wikimedia Commons el gh'ha dent imagin o alter archivi su Carrozz a du pian Casaralta
