Cassina Meriggia
|
Quest articol chì l'è scrivud in lombard, con la Noeuva Ortografia Lombarda |
La Cassina Meriggia a l'è una cassina milanesa, arenta a Bagg.
Storia
ModifegaL'è tirada a man per la prima voeulta in d'un cadaster del 1555 'me "Cassina de Murigi" e cont una pertinenza de 948 perteghe e l'era proprietà di Sfondrad, passada poeu ai Balb.
In del 1741 se pensa che l'è stada restruturada e in del Cadaster Teresian l'è segnalada 'me part del comun de Bagg.
L'è stada proprietà di Cont Gianella fina al 1890, lilinscì l'ha vivud l'Isep Gianella, prim sindegh del Bagg italian, ann che l'è crompada de 'n nobil milanes per el so fioeul malad e in del 1921 la passa ai cont Lurasch-Cassan.
In del 1946 l'è crompada de la familia Gamber, sgiamò proprietari de cassine in la zona, e ghe viveven 43 familie, che gh'haveven 'me scormagna "morigioeu".
Al dì d'incoeu l'è 'n center ipegh e la gh'ha havud dent i cavaj di Ghisa, e la gh'ha anca di cà residenziai.
Strutura
ModifegaLa strutura l'è desvilupada per permeter de la vila, con la tipega forma di cà signoril rural, centrada in su 'n parch quadrad cont inanz i stall, una vision generala e la gh'ha anca un bon numer de rustegh.
In del parch dedree el gh'era un strano monument cont la tomba del cavall favorid del Gianella e in del parch di lavorent el gh'era un presten con scrivud sora "Chi voeur, i mè car donn, fà bon el pan dev menà pocch la lengua e tant i man".
Riferiment
ModifegaBibliografia
Modifega- Capitolo 19 - Meriggia e dintorni, Cascine di Porta Vercellina