Chest artícol a l'è scricc in Lumbàrt Orientàl, ortograféa ünificàda Lombard oriental



Castegnù l'è ü bórgh de montàgna töt fài de cà de préda e l'è 'n del cümü de Dógn a i pé del Cat Ólt in de la Al de Dógn. Lé apröf gh'è Stà Margé e La Ria. Öna ólta l'éra öna frasiù de Poscànt, quando che chèsto 'l fàa cümü desperlü 'nfìna al 1928.

La cezìna de Castegnù del de fò
La cezìna de Castegnù del de dét

Per indà a Castegnù öna ólta riàcc a Poscànt se traèrsa fò la Piasa, se à sö amò ü tòch vèrs ol Cat Ólt e se rìa a ü cruzàl: a drécia gh'è La Ria e Stà Margé, a mansìna Castegnù.


Ol nòmModifega

Ol nòm de Castegnù 'l gh'avrès de ègn da Castègna, dezà che i gh'è amò al dé de 'ncö tàte piànte de castègna e fò sùra Castegnù l'è 'l paìs di biligòcc e amò al dé de 'ncö tra i cà del paìs s'pöl vèt i secadùr 'dóe öna ólta s'fàa sö i biligocc.

La fèsta del paìsModifega

Töcc i agn a Castegnù ol 15 de zenér, che l'è 'l dé de San Mauro, se té la Sagra di Biligòcc.

Dal 2011, a noèmber, se té ön ótra fèsta ciamàda "Sapori e Cultura a Castegnone di Poscante", gh'è i bancarèle in di stràde, s'vèt la zét del pòst a fà i laurà de öna ólta, in di cà del paìs s'pöl vèt come l'è che i éra i stàle de öna ólta, ma ach i cüzine e i stànse di cà de la zét de montàgna e pò gh'è formài, castègne, vì, vinbrülé e di óter mangià del post che i vé ofrìcc a töcc.