Castell de Belguard
El Castell de Belguard l'è on castell medieval che 'l se troeuva in del center del paes de Belguard, in de la Provincia de Pavia.
Descrizzion e storia Modifega
L'è ona granda struttura, circondada de on foss che on temp el trava su l'aqua del Navili de Belguard.
El Castell l'è staa scominciaa invers a la metà del XV secol, per vorè del Luchin Viscont. L'è staa slargaa del Bernabò Viscont, che 'l voreva renforzà el sò Ducaa - anca se 'l castell el gh'eva pussee la forma d'ona villa de piaser, putost che on castell difensiv. Anca el Filipp Maria Viscont l'ha faa on quai slargament di mur del castell.
La pianta del castell on temp a l'era quadrangolar, menter incoeu la gh'ha pussee ona forma a "U", perchè la banda a nord del castell l'è stada tutta trada giò. Anca el portal l'è frutt de lavorà faa in del Settcent.
Despoeu de la fin di Viscont, el castell el gh'è passaa in di man de tanti sciori, per finì poeu in quei de l'ingegner milanes Giulio Pisa, che in del 1897 el ghe l'ha regalaa al comun de Belguard. Al dì d'incoeu el Castell el gh'ha denter i ofizzi ministrativ del comun.