Cazzuu
El cazzuu o anca cazza[1] o ramajoeu l'è ona possada doperada per servì o cusinà di mangià liquid.
L'è quasi compagn d'on cugiaron, anca se l'è diferent per trii lavor:
- la conca l'è pu o manch redonda, per podè regoeuj el liquid;
- la posizion de la conca l'è pussee angolada respett al manegh, per permett de podè regoeuj di liquid anca in contenidor bei gross e strecc, compagn de pignatt;
- el manegh l'è bell longh, e inscì se pò tegnì la man assee delonsg per scottàss minga.
I cazzuu de solet hinn faa de metall, soratutt de alumini o de azzal, ma anca de argenton, ramm, loton o ferr smaltaa. Ghe n'è anca de legn o, pussee rarament, de on quai material plastegh bon de resist al calor.
I cazzuu con la conca sbusada se ciamen scumaroeu.
I paroll cazzuu e cazza hinn doperaa anca in Piemont (cassul) e Liguria (cassa), oltra che in de l'italian antigh (cazza). In del rest del mond neolatin se doperen alter nomm.