Ceser Paribell

Lumbard ucidental Quest articol chì l'è scrivuu in lombard, grafia milanesa.

El Ceser Paribell (italian: Cesare Paribelli; Bosaggia, 1763 - Milan, 1847) l'è staa on patriota lombard.
Nassuu de 'na fameja de sciori de la Valtolina, l'ha studiaa a Vienna e poeu l'è andaa in Sicilia: lainscì l'è vegnuu on soldaa de l'esercit del Regn de Napoli. In del 1792 el s'è incontraa con di ofizziai frances, e per 'sta reson l'è staa perzipitaa del re Ferdinand IV, processaa e miss in preson insemma a di olter giacobitt.
In del 1799 l'è staa liberaa e l'è deventaa on member del governa provisori de la Republega Napoletana: l'è staa mandaa comè ambassador a Paris, per ciamà di olter trupp per daggh ona man ai napoletan.
Dopo che 'l Napoleon l'ha ciappaa el poder, el Paribell el s'è stufii de la svolta autoritaria francesa, e l'ha tolt part a la Socetà di Ragg: on circol segrett con l'intenzion de unì l'Italia in d'on soll paes.
Despoeu de la Restaurazzion (1815) el s'è ritiraa a vita privada, cont el grado de colonell.