Cheribizo
El Cheribizo - Somario de tutte le professioni & arte Milanese Con diversi Sonetti in lingua rozza, & un'Echo l'è on librett anonim sortii foeura a Milan in la stamperia de Isepp Meda in del 1624. El primm che l'ha republegaa in di temp d'incoeu l'è staa el scior Franzesch Novati in de l'"Archivi Storegh Lombard" in del 1912. On esemplar l'è conservaa in de la Biblioteca Ambrosiana.
El liber
ModifegaAnca se l'autor l'è minga marcaa giò in su la covertina, se cred che 'l fudess el Bernard Rainold, milanes, giamò member de l'Academia de la Val de Bregn, e autor de sonett in di Rabisch.
El liber l'è on poemett de 338 vers indè che on omm el promett a la soa morosa (ciamada "Togna", on nomm che 'l mena la ment indree proppi ai Rabisch) de regalàgh on "baslott | de cristal montagnul tut intaiat" cont ona veduda de Milan e tutt i sò grandoeur: e donca el tacca a descrivegh tutt i sò bellezz, la soa operosità, i sò mangià e i sò lavorador. L'è ciar l'intent de mostrà Milan comè ona città bella, granda e sciora.
La lengua doperada l'è on mes'ciozz de milanes e bergamasch, on "lombard artifizial", segond el critegh Dant Isella.
L'incipit
ModifegaTogna polida, honesta, s'al ve pias
cetam per vost marit, a voi donaf
ol più garbat present che sia stat
donat a qual se voia dona mai.
Quest don ì da savì che l'è un baslot
de crestal montagnul tut intaiat
per man de Nibalin che no gh'à par.
Ul tai è quest, che dent ghe vedarì
la nobile Citat dol gran Milan
che fu da tut nomat l'Ambrusa Val.
Interprogèt
ModifegaBibliografia
Modifega- Dante Isella, Lombardia stravagante, Turin, Einaudi, 2005, pp. 103-154.
- Francesco Novati, Milano prima e dopo la peste del 1630 secondo nuove testimonianze, in Archivio Storico Lombardo, 1912 set, serie 4, vol. 18, fasc. 35