Cicciput
Cicciput l'è on album di Elio e le Storie Tese sortii in la primavera del 2003. L'è staa el primm album offizial del grupp del 1999.
El disch el vanta i collaborazion de Enrico Ruggeri, Ike Willis, Claudio Bisio, Gianni Morandi, Danilo Sacco, Nicola Savino, Max Pezzali, Maurizio Crozza, Laura Pausini, Mauro Pagani, Ghigo Renzulli, Piero Pelù e Gianluigi Cavallo.
La prima settimana de la soa sortida l'è rivaa quart in classifiga per numer de coppi venduu.
Inoltra troeuvom 'me corista la Lola Feghaly e la Paola Folli.
| Cicciput | |||||
|---|---|---|---|---|---|
| Album in stüdi | |||||
| Surtii | 2003 | ||||
| Gener | Rock | ||||
| Dürada | 62:02 | ||||
| Cà discugrafiga | Aspirine/Bmg | ||||
| crunulugia di album de Elio e le Storie Tese | |||||
|
|||||
Cicciput l'è anca l'ultim album pubbligaa prima de la nassida de la cà discografiga indipendenta del grupp, la Hukapan.
El nomm
ModifegaCome che se pò sentì in la prima traccia de la canzon (e come l'è spiegaa in del booklet del disch), el nomm Cicciput el saria quell de l'angel di danee consigliaa del mago campan Gennaro D'Auria, vun di "eroi" de la trasmission Cordialmente, condotta de Elio e le Storie Tese a partì del 1993 sù Radio Deejay.
I canzon
Modifega- Cicciput
- Budy Giampi
- Gimmi I.
- Fossi Figo
- Cani e padroni di cani
- La follia della donna (parte I)
- Shpalman®
- La chanson
- Pagàno
- Abate cruento
- Pilipino rock
- Litfiba tornate insieme
- Pagàno karaoke
In origin, in mezz a Shpalman® e La chanson la gh'era anca la canzon Tanti auguri a te (cantada insema a la Paola Cortellesi, conossuda in di primm ann Dumilla a Mai Dire Gol), ma l'è stada censurada per quistion de diritti d'autor. Ma el grupp l'ha mandaa la canzon via radio a Cordialmente el 19 de magg 2003, con l'invità i fan a registràlla, scoltàssela e fàlla sentì anca ai alter.