Lumbard ucidental Quest articol chì l'è scrivuu in lombard, grafia milanesa.

Cordialmente a l'è ona trasmission radiofònega umoristega italiana in onda su Radio Deejay e condòtta del direttor artistich de la radio Linus (alias Pasquale Di Molfetta) cont i Elio e le Storie Tese (Elio, Faso, Cesareo, Rocco Tanica, Mangoni).

A l'è nassuda in del 1993 cont el nòmm de Pista di Lancio, poeu l'ha mudaa el nòmm in Cordialmente - Pista di Lancio e de allora l'è stada ciamada semper Cordialmente, anca se con tanti variant (Cordialmente - Into the Night; Cordialmente - Raglio Blasfemo; Cordialmente -Senza Freni...). Duranta la stagion 2009/2010 a l'è stada trasmissa in prima serada el lunedì. In de la stagion 2009/2010 la trasmission la gh'ha duu nòmm, tucc duu ciappaa de frasi de la canzon Storia di un bellimbusto: per la prima ora e mezza la se ciama Cordialmente - Agile e Tranquillo, poeu Cordialmente - A me mi piace il cazzo.
In de la stagion 2010/2011 el nòmm a l'è Cordialmente - 2010: l'anno del contatto, poeu Cordialmente 2011 - Contatto Avvenuto, Cordialmente - Attenzione ai capellini e Cordialmente - à l'elephant.
In de la stagion 2011/2012, in la primma pontada el ven scernii el nomm Cordialmente - Gigioneggiavo e poeu Cardialmente - Gigioneggiavo.

In de la trasmission, i conduttor parlen tra de lor de vari ròbb, de la musega a la politega, al mond del spettacol a l'attualità, semper con quell'umorismo distintiv del grupp milanes. De nòrma gh'hinn tanti rubrich piscinitt indove se parla de vari tema. La trasmission la finiss semper cont el "Karaoke di Mangoni", indove el Luca Mangoni l'interpreta con la soa vos on poo "particolar" (In del sens de estremament stonada) i grand success musegaj di ultim ann.

Collegament de foeura Modifega