Lumbard ucidental Quest articol chì l'è scrivuu in lombard, grafia milanesa.

Vos principala: Cirro.

El cirrus floccus (abbreviazion Ci flo) a l’è ona di specie che i nivol del tipo cirro pòden presentàss e se forma a di alèzz pusstòst elevàa.

Fiòcch piscinitt con ona quàj virga

Caratteristich Modifega

El cirrus floccus a l’è fàa su de ciùff de nivol bianch cont ona base puttòst stratajada. Quèj nivol chì se pòrten nò adée di precipitazion, anca se di vòlt pòden ‘vègh ‘me caratteristica accessoria la presenza de virg.[1]

Tucc i ciuff che fànn su i nìvol de cirrus floccus hinn de sòlit distìnt e separàa vun di alter.[2] In del moment de la formazion i nìvol pàren de color bianch sberlusént e pòden vèss scambiàa per on altocumul; dòpo on quaj minùt però, la sò brilladura la tend a sbiadì e quèst l’insegna ch’hinn fàa su de giazz pur e se troeuven donca a ‘na quòta pussèe elevada. [3]

Riferiment Modifega

  1. Storm Dunlop, The weather identification handbook, 1st Lyons Press, Guilford, Conn., Lyons Press, 2003. URL consultad: 13 luglio 2011.
  2. Martin Callanan. Cirrus floccus. nephology.eu. URL consultad in data 13 luglio 2011.
  3. Institute of Atmospheric Sciences at the South Dakota School of Mines & Technology. Cirrus (floccus). URL consultad in data 13 luglio 2011(arqiviad de l'url orijenal in data 10 febbraio 2011)

Vos correlaa Modifega