Clivia
|
Quest articol chì l'è scrivud in lombard, con la Noeuva Ortografia Lombarda |
Clivia [1] a l’è ‘n gener de piante monocotiledon magnoliofit originari de l’Africa del sud. I partegnen a la famiglia di amarillidacei, a la sottofamiglia di amarillidoidei.[2]
| Clivia | ||||||||||||
|---|---|---|---|---|---|---|---|---|---|---|---|---|
 foeuj e fior
| ||||||||||||
| Classifigazion sientífiga | ||||||||||||
|
A inn di piante eterni de erba o semperverd, con di foeuje verd. I fior hinn pu o men a forma de campana e fànn su di ombrelle a la scima d’on fust sora i foeuje; i colór de sòlit i vann del giald fin al ross cont el passà per el color naranz. I esisten tanti cultivar, quajvuna con i foeuje variad.
Descrizzion
ModifegaI speci de Clivia se troeuven doma in Sud Africa e in Eswatini. A inn de solit di piante de la boschina, adattad a la lus scarsa (foeura che per la C. mirabilis de capp ovest).[3]
La Clivia la gh’hà di caratteristich comun cont i alter member de la sottofamiglia di amarilloidei. I fior i gh’hann trii sepai e trii petali, inn molto simil (ancaben i sepaj sien de solit pussee strecc di petai) e tucc insema inn ciamad tepai. In la Clivia i tepai hinn traa insema a la base a fa su on tubo, ancaben el poda vesser molto curt. I fior i gh’hann di forme svariaa che van de quella de ona chicchera averta a on tubo sospes strecc. I color di fior inn soratut in di ton del giald, del color naranz e del ross. I fior inn dispost a fa su di ombrelle (o ben i piccol se slontanen d’on unegh pont); ciascheduna ombrella la gh’ha on fust longh o peduncol. Diversi bractee compagnen i ombrelle. Ogni fior el gh’hà ses stam e, de sota, on ovari, (o ben l’ovari el sta sora i sepal) fàa su de trii locul. I stam gh’hann di filament longh e di antére che ‘a inn liber de moeuvesser in sul so filament. El stil a l’è pussee longh di tepai e ‘l gh’hà a la fenitiva on curt stigma. [4]
I temp de la fiorida varien. De sòlit la C. miniata, la C. nobilis e la C. caulescens fiorissen d’inverna tardiv e de primavera; in coltivazzion, la C. miniata de spess la butta i fior foeura stagion . La C. gardenii e la C. robusta i fiorìssen d’autun. Di ibrid infra i speci e i cultivar i poden fiorì quasi semper in del cors de l’ann a segonda del clima e di perìod de fioridura di speci ch’a i hann ingenerad.[5]
Ona caratteristica distintiva de la Clivia – spartida cont el gener Cryptostephanus – a l’è che, a differenza de la pupart di speci de la sottofamiglia, la faminga su di scigol. I foeuje longhe, a forma de binda, inn semperverd e vegnen su a partì di radis spess ramificad o rizoma. Compagn di alter member de la tribù di aemantei a la qual la parten, i frutt de la Clivia hinn di borlitt. Quand che a inn madur gh’hann denter di grand somenz carnos cont on diametro pusseè longh de 1 cm.[4]
Tassonomia
ModifegaI campion inn stad catad su di esplorador britannich William Burchell e John Bowie in del 1815 quant al prim e in del 1820 quant al segond. La Clivia nobilis l’è divantada la primma spece a la qual el gh’è stad da el nom quand che in del 1828 el botanich di Kez Gardens, el John Lindleyel el gh’hà da el nom in onor de la Charlotte Clive, Duchessa de Northumberland (1787–1866),[6] che l’è stada per on cert period de temp la governanta de la Regina Vittoria che la vegnarà.[7][8][9]
Evoluzzion e filogenetica
ModifegaSes gener hinn stad miss in la tribù di aemantei; e se troeuven tucc in Africa. Di analisi filogenetiche molecolar menad inanz in del 2004 i hann fad vedè che la tribù a l'è monofiletica (idest la gh’hà denter tucc i discendent d’on unega specie comuna che l’è vegnuda primma). Quatter speci de Clivia inn stad incluse in l’analisi; l’alber filogenetich pussee curt che ‘l spiega l’evoluzion l’è mostrà chi de sota. [3]
| Haemantheae | |
La Clivia senza scigolla e ‘l Cryptostephanus i paren occupà ona posizzion de base in del grupp che ‘l gh’hà on vicc comun. El Meerow e ‘l Clayton i hann suggeri che on habitat de boschina, associad con l’assenza de scigoll e la presenza di borlitt come frutt, el podaria vesser stad on fattor de desviazion de l’evoluzion del grupp di aemantei del rest de la sottofamiglia di amarillidoidei.[3]
Speci
ModifegaSes speci inn stad reconossud de la Lista de controll mondial di famile di piante scernid foeura:[10]
- Clivia caulescens R.A.Dyer
- Clivia gardenii Hook.
- Clivia miniata (Lindl.) Bosse
- Clivia mirabilis Rourke
- Clivia nobilis Lindl.
- Clivia robusta B.G.Murray et al.
A la C. mirabilis el gh’è stad dad el nom in del in 2000, e a la C. robusta anca pusse tard, in del 2004.[10] Inscì segond di document pussee antigh gh’a inn doma quatter o cinch speci.
Ibrid naturai
Modifega- Clivia × nimbicola Swanev., Truter & A.E.van Wyk = C. caulescens × C. miniata[10]
Coltivazzion
ModifegaDe tucc i speci, la Clivia miniata a l’è quella che la ven coltivada pussee; i cultivar cont i fior van del ross-color naranz al giald pallid inn stad allevad di coltivador. Di piante gialde poden partegnì a vun di du diversi grupp alevad doma per el color. Quand che i clivie sgialde de grupp diversi vegnen incrosad i produsen di piantine con di fust pimentad e i fior che resulten inn de color naranz.[5]
La Clivia miniata, la Clivia gardenii, la Clivia robusta e la Clivia caulescens fiorissen dòpo quatter o cinch ann. La Clivia nobilisfiorissen còpo sett o vott ann. A l’è stad raportad che la Clivia mirabilis la ghe met ses ann a fiorì.
Cura
ModifegaIn coltivazion, a l’è raccomandad che i piante sien dacquad regolarment d’estaa, ancaben minga dacquad tropp, cont ona paosa de l’autun fin al tard inverna, quand che i piant vegnen mantegnud quasi secch a 8-10 °C. I piante poden vesser strapiantad in on alter vas ogni ann oppur ogni du ann in d'on terisc universal oppur in di scorze de nos de cocch. La propagazion la ven trada inanz per mez de la somenza o per mez di germoeuj tirad via quand che se cambia el vas. La somenza la ven somenada in la part de sora d’on terrisc cont on alta umidità. Infra i parassita e i malattie inn incluse i coccinili e la marsciura.
Grupp de coltivador de la clivia
ModifegaI Clivie inn popolar come piant de giardin, soratut i vegg cultivar de la Clivia miniata e i ibrid infra i speci. A gh’è anca di coltivador per passatemp in del mond che s’incontren regolarment per savenn pussée e fa vedè di noeuv esempi migliorad. Infra i grupp in Australia gh’è el Melbourne Clivia Group, che ‘l se incontra per spartìss i informazion e promoeuv la cultura de la Clivia, e la Cliva Society che la se insubiss in del cors del Carnival di fior che ‘l se ten ògni primavera.
Tossicità
Modifega'Na quaj specie de Clivia, compresa la Clivia miniata, la di piccol quantità de licorina alcaloid. La licorina a l’è tòssica in di quantità che sien assee, soratut per i animai domestich ei fiolitt. [11]
Riferiment
Modifega- ↑ (1995) Western Garden Book. Sunset Books, 606–607. ISBN 0-376-03851-9.
- ↑ Modell:Citation
- ↑ 3,0 3,1 3,2 Modell:CitationModell:Dead link
- ↑ 4,0 4,1 Modell:Citation, pp. 37–38
- ↑ 5,0 5,1 Modell:Citation
- ↑ Clivia Archiviad chi: [1] San Marcos Growers. URL accessed April 8, 2006.
- ↑ Clivia Forum. A Clivia discussion Forum.
- ↑ Clivia IndonesiaModell:Dead link. Indonesia Clivia Forum.
- ↑ Clivia Base Archiviad chi: [2] . South African Clivia Website.
- ↑ 10,0 10,1 10,2 Modell:Citation, search for "Clivia"
- ↑ Notes on poisoning: Clivia miniata Archiviad chi: [3]
Bibliografia
Modifega- (2011) "A review of phylogenetic relationships in the genus Clivia". Philos. Trans. Genet. 1: 168–207.
- (February 2008) Molecular Systematics, Biogeography and Dating of the tribe Haemantheae (Amaryllidaceae) and the Phylogeography of Clivia (PhD Thesis), Department of Botany, University of Cape Town.