Crisi di videosgioeugh del 1983

Quest articol chì l'è scrivud in lombard, con la Noeuva Ortografia Lombarda

La crisi di videosgioeugh del 1983 a l'è stada una recession che l'ha colpid assee el mercad di videosgioeugh in Nord America e l'ha menad una mota de aziende del setor a fallì, fornida in del 1986, soratut grazzia al rivà in di Stat Unid del NES, progetad inscì de schivà i problema che hann menad a la crisi. L'ha menad a la fin de l'inscì ciamada "segonda generazzion" di console e a 'n borlà del mercad in di Stat Unid del 97%.

Cartocce sepelide de l'Atari, simbol de la crisi

Al dì d'incoeu se pensa che i cause fussen stade i tante console a disposizzion, el perder de controll in sul publegà di sgioeugh, che l'ha menad a 'na mota de sgioeugh fad propi mal, el perder de fiducia de part di consumator, anca grazzia ai sgioeugh per l'Atari 2600 E.T. the Extra-Terrestrial e Pac-Man, ch'eren fad propi mal, e de la competizzion di home computer.

Riferiment

• Bugsplat