Culusses Capitel Quater

Quel articul chì l'è scrivüü in Lumbard, cun l'urtugrafia insübrica ünificada.

Culusses

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Quater

¹I signúr, furnii i voster sèrv la giüstizia e l'equalitaa, perchè savii che anca vialter gh'avii un Signúr in del cél.
²Perseveree in de la preghièra e vegeen in de la gratitüdin, ³pregand insèma e per nümm perchè Diu 'l me derva una porta per la parola del parlà 'l misteri de Crist, per via del qual anca me trövi in de presún, ⁴perchè ghe fuu vedüü cumè l'è necessari che parli.
⁵Caminee in de la saviéza vèrs quij de föra, prufitand del témp. ⁶La vostra parola sarìa semper cun grazia, cunsciaa de saa, per savè cumè vialter gh'avii de respund a ognidün.
⁷I coss sü mì el ve farà savè Tichich, el fradèll predilètt, minister fedél e cumpagn del servizi in del Signúr, ⁸el qual v'huu mandaa per propi chèsta cossa, che savii i coss sü nümm e che 'l incuragia i voster cör, ⁹cun Onesim, el fradèll fedél e predilètt, che l'è de vialter; ve farànn savè tüsscoss de scià.
¹⁰Aristarch, el mè cumagn de presún, el ve salüda, insèma a March, el cüsín de Barnaba (sül qual avii ricevüü istrüziún; se 'l ven a vialter, riceviil) ¹¹e Gesü, ciamaa Giüst, i quij che hinn de la circuncisiún, chèst deperlur hinn i cumpagn d'opera per el Règn de Diu, quij hinn devegnüü la mia cunsulaziún. ¹²Epafra 'l ve salüda, che l'è un sèrv de vialter de Gesü Crist, che 'l cumbatt semper per vialter in di preghiér, perchè stii perfètt e sii cumpii in d'ogni vuluntaa de Diu. ¹³Già che per lü duu testimunianza che lü 'l gh'ha tant dulúr per vialter e per lur che hinn a Laodicea e a Gerapoli. ¹⁴Lüca, el dutúr predilètt, el ve salüda, insèma a Dema. ¹⁵Salüdee i fradèj che hinn a Laodicea, Ninfa e la gésa che l'è in de cà sua. ¹⁶E quand la letera l'è leta intra vialter, feela leta anca in de la gésa di Laodicee, e anca vialter legii chèla de Laodicea. ¹⁷E dii a Archipp: «Varda el ministeri che t'hee ricevüü in del Signúr, che t'el cumpet.
¹⁸El salüd l'è de mia man--de Paül. Regurdeev di mè cadènn. La grazia sia cun vialter.

Navigaziun

• ← Indree a Capitel Trii
• Inanz a Prima Tessalunices Capitel Vün →
• A l'indes