Dialett olt valtelin

Quest articol chì l'è scrivuu in lombard, grafia milanesa.

El dialett olt valtelin a l'è ona variant alpina del lombard. El gh'ha on mugg de pont de contatt cont i lengov retoromanz, e per la soa posizzion a l'è ben complicaa catalogàll in del sistema lenguistegh lombard.

Difusion e variant

Quell dialett chì a l'è parlaa, con diversi variant, in di comun de Grosott, Gros, Sondel, Forba, Val de Sott, Val de Dint, Bormi e Livign, comun de l'olta Valtelina, in Provincia de Sondri. I dialett de Grosott e Gros hinn quei che fann de "transizzion" cont el dialett valtelin (pussee precisament, cont el dialett de Tiran). I sò sotta-variant a hinn:

Grosin, parlaa a Gros, Ravolee e Grosott
Sondalin, parlaa a Sondel, in di sò frazzion e a Tioeu
Bormin, parlaa a Bormi
Livignasch, parlaa a Livign e Trepall

Caratteristegh

Fonetega

Conservazzion di ness latin PL, FL e BL (compagn de pos'ciavin e bregajott), foeura che a Gros e Grosott.
Mancanza de la vocal turbada [y]
Conservazzion de la /r/ final di infinii verbai (compagn del bregajott)

Comparazzion fonetega

Oltra ai dialett de Gros, Bormi, Isolascia (frazzion de Val de Dint) e Livign, paes de l'olta Valtelina, mettom a confront anca i dialett de:

Milan, center lenguistegh del lombard (ocidental)
Pos'ciav, indè che se parla on dialett alpin cont ona quai vesinenza con l'olt valtelin

Lombard	Milan	Pos'ciav	Gros	Bormi	Isolascia	Livign
brusà	[bry'za]	[bry'za]	[bru'zɛr]	[bru'ʒar]	[bru'ʒɛr]	[bʁu'ʒɛʁ]

Morfologia

Lessegh

El lessegh a l'è, pu o manch, quell del rest de la Valtelina e de la Valciavenna.

El "platt di sciober"

Per savenn pussee, varda l'articol platt di Sciober.

Questa sezzion chì l'è ancamò voeuda. Juta a scrivela

Esempi de lengua

I mes de l'ann

Lombard	Milan	Bormi
sgener	[ʒe'neː]	[ʒe'nei̯r]
fevrer	[fe'vreː]	[fe'rei̯r]
marz	[mars]	[marts]
april	['april]	['abril]
masg	[matʃ]	[matʃ]
sgiugn	[dʒyɲ]	[ʒuɲ]
luj	[lyi̯]	[lui̯]
agost	[a'gust]	[a'goʃt]
setember	[se'tɛmber]	[se'tembre]
otober	[u'tuber]	[o'tobre]
november	[nu'(v)ɛmber]	[no'embre]
dicember	[di'tʃɛmber]	[di'tʃembre]