Efesit Capitel Düü

Quel articul chì l'è scrivüü in Lumbard, cun l'urtugrafia insübrica ünificada.

Efesit

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Düü

¹E vialter, che serii mort in di voster trasgressiún e pecaa, ²in de quij una völta avii caminaa segund l'etaa de chèst mund, segund el prenzipi de l'auturitaa de l'aria, del spirit che 'l laura adèss intra i fiöö de la desübediénza: ³intra i quij nümm tücc èmm vivüü una völta in di desidéri de la nostra carna, fasend i vuluntaa de la carna e de la mént, e serum de natüra fiöö de l'ira, cumè anca 'l rést; ⁴ma Diu, già che l'è sciur in de la misericordia, per via del sò grand bén che gh'aveva per nümm, ⁵e intanta che serum mort in di trasgressiún, el m'ha faa viv insèma a Crist--sii staa salvaa per la grazia--⁶e l'era levaa sü insèma e 'l s'è setaa giò insèma in di lögh del cél in de Crist Gesü, ⁷per mussà in di etaa a quij che vegnen la richéza tant granda de la sua grazia in de gentiléza sü nümm in de Crist Gesü, ⁸già che sii staa salvaa per grazia, per mèzz de la féd; e chèst l'è no di oper, l'è 'l regall de Diu; ⁹no di oper, perchè nissün el vantarìa. ¹⁰Già che sèmm el sò laur, creaa in de Crist Gesü vèrs bonn oper che Diu l'ha preparaa prima, perchè en caminarìum.
¹¹Dunca, regurdeev che una völta vialter serii i naziún in de la carna, che hinn ciamaa l'incircuncisiún de chèll che l'è ciamada la circuncisiún fada per i man in de la carna, ¹²perchè serii a chèll témp sénza Crist, alienaa de la citadinanza d'Israel e furestee di acordi de la prumèssa, gh'avend no speranza ma sénza Diu in del mund. ¹³Ma adèss sii in de Crist Gesü vialter che, ancabén l'eren una völta luntan, sii devegnüü vesín in del sangh de Crist.
¹⁴Già che lü l'è la nostra pas, lü che 'l fa i düü vün e che 'l desfa 'l mür de separaziún, ¹⁵la nemessizia in de la sua carna, abulii la lég di cumandamént in di decret, perchè 'l crea i düü in de lü cumè vün növ vèss üman che 'l fa la pas ¹⁶e 'l recuncilia a Diu i düü in d'un corp per mèzz de la crus, quand l'en ha mazaa la nemessizia. ¹⁷e despö che l'è vegnüü l'ha pruclamaa la pas a vialter che hinn luntan e la pas a quij che hinn vesín: ¹⁸che per mèzz de lü gh'èmm nümm i düü l'andit in d'un spirit al Pader. ¹⁹Dunca, sii pü balénch e furestee, ma sii citaditt insèma cunt i sant e member de la cà de Diu, ²⁰che l'è stada fada sül fundamént di apostul e di prufètt, cun Gesü Crist medemm cumè la preia angulara, ²¹sül qual ogni fabrica incurnisada insèma la cress per vèss un témpi sant in del Signúr, ²²in del qual anca vialter sii faa insèma per vèss un'abitaziún de Diu in del Spirit.

Navigaziun

• ← Indree a Capitel Vün
• Inanz a Capitel Trii →
• A l'indes