El Tognella
El Tognella (Legnan, 12 dicember 1938 – Milan, 5 april 1995; nomm anagrafegh: Armando Russo) l'è staa on cabaretista lombard.
La mascara del Tognella la rapresenta on operari metalmeccanegh cont i bragh bottonaa su finn asquas aj sell, el cappell a visera mettuu su de sbiess e la faccia sporca de ganga.
El Tognella l'è consideraa antesignan del Cipputi de Francesco Tullio Altan.
Biografia Modifega
El comencia la soa carrera artistega cont I Legnanesi in prinzipi di agn settanta, cont el debuttà in del cabaret insemma a l'Alberto Rossetti del 1975 al Refettorio de Milan.
L'è rivaa in television insemma a Lino Patruno e Nanni Svampa in del programma Una bella domenica di settembre a....
Del 1977, dopo l'esperienza in television, el va innanz a fà cabaret al Derby Club.
Del 1978 el comencia a laorà in teater, cont el debuttà a l'Odeon de Milan cont "L'è tutta na guerra", e dopo cont Tognella si sposa, in del 1979.
Del 1980 el lassa el teater e 'l va innanz cont i so spettacoj de cabaret in gir per la Lombardia.