Elettrotreno CZ 480

Quest articol chì l'è scrivuu in lombard, grafia milanesa.

Elettrotreno CZ 480
Eletrotreno
El treno
Agn de ordinazion	2010
Agn de costruzion	2010-2012
Agn de esercizi	2012-
Quantitaa produxida	5
Costruidor	Stadler Rail
Lungeza	90'178 mm
Largeza	2'800 mm
Alteza	??
Capacitaa	237 (2ª), 19 (Business), 6 (premium)
Scartament	1435 mm
Massa in servizi	150 t
Potenza continuativa	2600 kW
Sforz trazion massem	200 kN
Velocitaa massema omologada	160 km/h (limitaa, in teoria 190 km/h)
Alimentazion	3 kV CC

L'Elettrotreno CZ 480 a l'è la version del Stadler FLIRT doperada de l'operator cecch LEO Express dal 2012.

Storia Modifega

In del 2010 a l'è nonziaa che LEO Express l'avaria crompaa 5 elettrotreni de la Stadler Rail per la tratta Praga - Ostrava.

In del 2012 a hinn consegnaa i primm treni, faa su in Polònia e in Ongheria. El cost total di cinch treni a l'è staa de 1,5 miliard de coronn cecch. El 24 de marz 2012 a hinn presentaa al publich al circuitt ferroviari de proeuva de Velim.

Tecnega Modifega

El gh'ha 5 carrozz e 'l 90% del pianal rebassaa. Gh'è tre toalett, de che vuna attrezzada per i disabil, cont sistema de nettada automatich.

Quatter carrozz a hinn de class econòmica, con 212 pòst confort cont di tavolitt pieghevoi con spazzi per laptop, e i post per i handicappaa.

'Na carrozza a l'è attrezzada per la class business, cont 19 sedij reclinabij e tavolin e per la premium, fada se ses post, fisicament separaa, che se pòden reclinà elettricament anca per dormigh e cont poggiacoo miôraa e support lombar.

El gh'ha on sistema digital per avvisà i passegee.