Stadler Rail
La Stadler Rail a l'è ona ditta svizzera che la fa su di vettur ferroviari, verta in del 1942 a Bussnang.
La gh'ha circa 3'000 dependent e l'è specializzada in prodott specifich per i ferrovia a cremaliera.
Storia Modifega
Stadler a l'è stada fondada a Zurigh in del 1942 da Ernst Stadler, e i sò primm locomotiv a hinn sortii in del 1945.
In del 1984 la ditta la scomincia a lavora in sui treni passegee, che l'ha menaa al slargàss internazional.
In del 2005 a l'è completada l'acquisizion de la SLM Winterthur, azienda specializzada in ferrovij a cremaliera e locomotiv a vapor.
Prodott Modifega
Elettrotreni e autotreni Modifega
La Stadler a l'è assee specializzada in di elettrotreni e autotreni per el servizzi regional, comé per esempi el Stadler GTW, classificaa poeu per el numer di ass, el Stadler FLIRT e 'l Stadler KISS. A Diesel gh'è el Stadler Regio-Shuttle, doperaa in Germania.
L'ha desviluppaa anca on treno a volta velocità, el Stadler EC250.
Faa inveci su misura per la ferrovia franzesa l'è el treno Z 150.
L'ha faa anca i treni a scartament metrich per i ferrovij locali svizzer compagn de l'Allegra, ADLER e 'l SPATZ.
Locomotiv Modifega
La Stadler la fa la locomotiva FFS Ee 922, locomotiva de manovra di Ferrovij Federai Svizzer, e anca la locomotiva ibrida FFS Eem 923.
Tram Modifega
La Stadler la fa anca di tram, comé el Variobahn, el Tramlink e 'l Stadler Tango.
Mezz personalizzaa Modifega
In tra i mezz faa de la Stadler per di esigenz speciai poeudom cità:
- Stadler NExT, treno ideaa per i Regionalverkehr Bern-Solothurn
- Stadler Allegra, treno per la Ferrovia Retica
- Stadler Metelica, tram per Ostrava e la Russia
- Di soluzion de tram per la Forchbahn e la Trogenerbahn