Enrico Nicodemo
|
Quest articol chì l'è scrivud in lombard, con la Noeuva Ortografia Lombarda |
L’Enrico Nicodemo (Tortorella, 29 de sgener 1906 – Bari, 27 de agost 1973) l’è stad on arcivescov catolich italian.
Biografia
ModifegaOrdinad sacerdot el 8 de luj del 1928, a domà 39 ann el 22 de sgener del 1945 l’è nominad vescov de la diocesi de Mileto e ‘l 8 de april de d’istess ann l’ha ricevud l'ordinazzion vescovil. De tant in tant el gh’ha anca havud la responsabilità de aministrador apostolich di diocesi de Oppido Mamertina e de Nicotera e Tropea (1952). In del cors di ann de l'episcopad in Calabria, moscior Nicodemo el gh’ha havud la fama de sgiovin vescov semper ‘dree a moeuves.
El 11 de november del 1952 l’è stad promovud arcivescov de Bari e Canosa, e ‘l gh’è sucedud al Marcello Mimmi che intrantanta l’era stad trasferid a l'arcidiocesi de Napoli. A Bari l’ha esercitad el ministeri pastoral per pussee de vint ann, fina a la mort.
In del masg del 1960, in ocasion di celebrazzion per la festa del San Nicola, difensor de la cità,e l'ha tacad lit cont el sindegh socialista Giuseppe Papalia; a la sgiunta comunal social-comunista intrega la gh’è stada impedida la partecipazzion a la procession, second el decret del Sant Ufizzi del 1959 che l’haveva estendud ai socialista la scomunica sgiamò in vigor per i comunista, e la proibizzion de andà ai celebrazion religiose.
In del cors del sò ministeri l’è stad assistent al scagn del papa, vicepresident de la Conferenza Vescovil Italiana a partì del 1966, president de la Conferenza vescovil Pujesa, delegad del papa de la basilica de San Nicola de Bari, member del Segretariad per l'unità di cristian, aministrador apostolich di preladure territoriai de Altamura e Acquaviva delle Fonti del 1969, president de la Fondazzione "San Nicola" e difensor de l'Istitut de Teologia ecumenico-patristica.
L’ha promovud la costruzzion de tante opere, infra i quai 20 parochie noeuve[1], el seminari diocesan e la cà del clero.
In del 1966 el gh’ha conferid l’ordinazzion vescovil al Michele Mincuzzi, che l’è diventad on sò vescov de ajut.
L’è mort in del 1973. L’è sepellid in la cripta de la Catedral de Bari.
Genealogia vescovil e sucession apostolica
ModifegaLa genealogia vescovil a l'è:
- Cardinal Scipione Rebiba
- Cardinal Giulio Antonio Santori
- Cardinal Girolamo Bernerio, O.P.
- Arcivescov Galeazzo Sanvitale
- Cardinal Ludovico Ludovisi
- Cardinal Luigi Caetani
- Cardinal Ulderico Carpegna
- Cardinal Paluzzo Paluzzi Altieri degli Albertoni
- Papa Benedetto XIII
- Papa Benedetto XIV
- Cardinal Enrico Enriquez
- Arcivescov Manuel Quintano Bonifaz
- Cardinal Buenaventura Córdoba Espinosa de la Cerda
- Cardinal Giuseppe Maria Doria Pamphilj
- Papa Pio VIII
- Papa Pio IX
- Cardinal Gustav Adolf von Hohenlohe-Schillingsfürst
- Arcivescov Salvatore Magnasco
- Cardinal Gaetano Alimonda
- Cardinal Agostino Richelmy
- Vescov Giuseppe Castelli
- Vescov Raffaele De Giuli
- Arcivescov Enrico Nicodemo
La sucession apostolica l’è:
- Arcivescov Michele Mincuzzi (1966)
Note
Modifega- ↑ F. Sportelli, op.cit., p. 31.
Bibliografia
Modifega- A. Riccardi. Enrico Nicodemo a Bari, 1953-1973: un vescovo meridionale tra modernizzazione e Concilio. Bari, Edipuglia, 1989. ISBN 9788872280522.
- F. Sportelli (a cura di). Diario dell'arcivescovo Enrico Nicodemo a Bari (1953-1973). Bari, Edipuglia, 2003. ISBN 9788872283844.