Euclid

Quest articol chì l'è scrivud in lombard, con la Noeuva Ortografia Lombarda

L'Euclid (gregh: Εὐκλείδης, Eokleídēs; ~300 iEC) l'è stad un matematich gregh, che l'è vivid se pensa sota el regn de Tolomee I (367 iEC ca. – 283 iEC). L'è senza dubi el matematich pussee important de la storia antiga e giun dei pussee importancc e recognosicc de ogna temp e sit. L'Euclid l'è cognossid soratut come autor dei Elemencc, l'œuvra de geometria pussee importanta de l'etaa antiga. Però de lu se sa poch fiss: l'è menzionad ind un scrit de Pap de Lissandria, ma la testemonianza pussee importanta su la quala se fonda la storiografia la ven de Prochel, che el le colloca intra i pussee sgioven dissepoi de Platon. Significativa l'è la circonstanza che la le met in banda a Tolomee I, perchè la ghe porta a collocànn l'ativitaa principal. Al prenzepi del secol III prima de Crist e el ghe fa pensà che Tolomee el l'hape ciamad a studià ind la Biblioteca de Lissandria e ind el Musee lì aprœuv.

Gh'e mia acordi inveci su la quistion se l'era un platonich convenc o nò. Al de d'incœu l'è pussee in voga la tendenza a considerà chest sgiudizzi come senza fondament^[1] e detad de la vœuja del Prochel de colloca el pussee spert matematich de l'antighitaa ind la scœula dei neoplatonich a la quala partigniva a'pò el Prochel medem.

I sò contribud a la matematica

Ind el sò liber Element l'è stad el prim che l'ha metud sgiò i regole de la geometria, tanto che l'ha dad el nom a la geometria euclideja. Segonda la pupart di studios però l'era minga tuta roba soa, ma per scriver quest liber l'ha catad foeura anca in sgir, intra tucc i matematich e fisich del sò temp.

Quell liber chì l'è rivad fina a adess grazzia a la traduzzion de un matematich arab, ciamad Alhazen.

I sò scoverte pussee famose inn i duu Teorema, che revarden i proprietaa del triangol retangol:

Prim teorema: ind un triangol retangol, un quadrad costruid su l'ipotenusa l'è equivalent al retangol che el gh'ha per dimension l'ipotenusa e la sò projezzion su l'ipotenusa.
Segond teorema: ind un triangol retangol, un quadrad costruid su la voltezza relativa a l'ipotenusa l'è equivalent al rettangol che el gh'ha per dimension i projezzion di catet su l'ipotenusa.

Bibliografìa

Euclides, 1703

Boyer, C. B. (1968), A history of Mathematics, Edizione italiana: Storia della matematica, ISEDI, Milano 1976.
Heath, T. L. (1931), A history of Greek mathematics, 1, Oxford, 1931.
Heath, T. L. (1956), The Thirteen Books of Euclid's Elements (3 Volumes), New York, 1956.
Incardona, F. (1998). (a cura di), Euclide: Ottica. Immagini di una teoria della visione, Roma, Di Renzo, 1996.
Kline, M., (1972), Mathematical Thought from Ancient to Modern Times, Edizione Italiana: Storia del pensiero matematico, Vol I, Torino: Einaudi, 1991.
Loria G. (1914), Le scienze esatte nell'antichità, Milano, 1914.
Migliorato, R., Gentile, G, (2005) Euclid and the scientific thought in the third century B.C., Ratio Mathematica, n. 15, (2005), pp. 37-64; disponibile versione italiana on line: Euclide e il pensiero scientifico nel III secolo a.C.[1].
Migliorato, R. (2005) La rivoluzione euclidea e i paradigmi scientifici nei regni ellenistici, Incontri Mediterranei, n.15, 2005, pp. 3-24. Disponibile on line : [2] Archiviad chi: [3]
Neugebauer, O. (1951) The exact sciences in antiquity . Edizione italiana: Le scienze esatte nell’antichità, Milano, 1974.
Proclo Diadoco, Commento al 1o libro degli Elementi di Euclide, a cura di M. Timpanaro Cardini, Pisa, 1978.
Russo, L. (1997), La rivoluzione dimenticata: il pensiero scientifico greco e la scienza moderna, Milano: Feltrinelli, 1997.
Russo, L. (1998), The definitions of fundamental geometric entities contained in book I of Euclid's Elements, Arch. Hist. Exact. Sci., 52, No.3, 1998, pp.195-219.
Saccheri G., Euclide liberato da ogni macchia, Saggio introduttivo di I. Toth e E. Cattanei; Traduzione e apparati di P. Frigerio, 2001

Ligam de fœura

↑ Heat (1956), Enriqoes, Neogebaoer, Rosso (1997)(1998), Migliorato-Gentile, Migliorato

[1] Heat (1956), Enriqoes, Neogebaoer, Rosso (1997)(1998), Migliorato-Gentile, Migliorato

[1]