Eva Klotz
|
|
Quel articul chì l'è scrivüü in Lumbard, cun l'urtugrafia insübrica ünificada. |
L'Eva Klotz (nassüda 'l 4 de giügn del 1951 a Walten, una frassiun del cumün de St. Leonhard in Passeier, in Südtirol) a l'è una pulitega südtirolesa, depütada in del Parlament Südtirules in de la Süd-Tiroler Freiheit, cugnussüda in tüt el mund tudescòfen per la sua famusa tressa e la sua gran grinta.
La Vida Modifega
La Eva l'è la püssee granda di ses bagaj del Georg Klotz e in sü la vita del pader la gh'ha anca scrivüü un liber. Ancamò al diddincö, la süra Klotz, cumpagna del pader, la se crüssia del trà inans i driss de autodeterminassiun del Südtirol.
Del 1980 al 1983, la Eva Klotz l'è stada vöna di member del cunsej cumünaa de Bulsan in de la Südtiroler Volkspartei, e pö, semper per l'istess partii, l'è stada depütada in del Parlament Südtirules del 1983 al 1989. In del 1989, minga cuntenta de la pulitega muderada del Silvius Magnago e de l'intrega Volkspartei, la s'è destacada de quist ültema e l'ha faa sü un so partii deperlee ciamaa l'Union für Südtirol de la qual l'è stada depüdata del 1989 al 2007 quand che difarens d'upiniun intra lee e l'Andreas Pöder, han faa inscì che l'è gnüda föra de l'Üniun e l'ha faa sü un nöf muiment pulitegh ciamaa Süd-Tiroler Freiheit insem al Sven Knoll. Cunt chel partii chi l'è stada elegiüda 'ncamò n'oltra völta in del Parlament Südtirules in del 2008[1].
La süra Klotz l'ha stüdiaa de prufessura a l'Üniversidaa de Innsbruck e la s'è spescialisada in istoria, Fulclur, e Filusufia. Despö de 'vè finii el so stüdi in del 1974, l'ha insignaa in di scör süperiur Südtirules Tudesch, Istoria, Geugrafia, e Latin. In del 1983, na völta elegiüda in del Parlament Südtirules, l'ha desmetüü de fà la prufessura e l'ha imbrazzaa la carera pulitega a tout court.
Al didincö la vif cunt el so segund marii, 'l Hans Bachmann, a Bulsan.
I so Över Modifega
- Georg Klotz. Freiheitskämpfer für die Einheit Tirols (ISBN 3-85485-083-2)
Referiment Modifega
- ↑ Vorzugsstimmenergebnisse der Landtagswahl 2008 auf der Website des Landes Südtirol, abgerufen am 1. Februar 2011
Liga in sü la Red Modifega
