Everything Comes and Goes (Michelle Branch)

Quest articol chì l'è scrivuu in lombard, grafia milanesa.

Everything Comes and Goes a l’è on EP de la cantautora statunitensa Michelle Branch, miss foeura in sul sò sit officiàl el 16 de luj del 2010, e pubblicàa in sul iTunes el 27 d’agost del 2010.

L’EP l’è stàa registràa in di Starstruck Studios, in di Soundstage Studios, e in del Nashville Noise a Nashville in del stat americàn del Tennesee e ancasì in di Henson Studios de Hollywood in del stat americàn de la California e in del New York Noise, dal 2008 al 2009. L’EP a l’è stàa consideràa ‘me on ' album bonus' da la cantanta medèsima. N’el stàa catàa foeura on sìngol, "Sooner or Later" che l’è diventàa on pìccol succèss commerciàl. Everything Comes and Goes l’era prevìst de vèss on album complètt fàa su de 13 tracc, comprés on duètt cont el Dwight Yoakam che l’era la canzón intitolada "Long Goodbye". Comunque, in resón de la riorganizzazión ind la Warner Bros. Records, la data de pubblicazión l’è stada rinviada ona fila de vòlt e a la fin inveci d’on album complétt l’è sta miss foeura domà on EP. Vari tracc di registrazión originaj che gh’avarissen avùu de vèss miss dent in del album, comprés "Long Goodbye", "Texas In The Mirror" e "Take a Chance On Me", hinn poe stàa pubblicàa deperlór, e miss in sul internèt de podè vèss scaregàa a gratis per on cèrt perìod de temp. In dona videociàt dal viv ai fan el 26 de magg del 2011 la Michelle l’ha rivelàa on brano nananmò pubblicàa de Everything Comes and Goes, "Through the Radio" ch’el gh’avariss de vèss miss dent in del sò noeuv album in studi West Coast Time ‘me ‘na traccia nascòsta – tuttamànch l’album el ven minga pubblicàa per via di problèma con l’etichetta.

Svilùpp

Dòpo la pubblicazión del sò secónd album in studi, Hotel Paper, la carriera de solista de la Michelle la s’è fermada come che l’hà comenzàa a stagh adrée a la band The Wreckers. El grùpp el s’è spartìi in del 2007. In del ottober del 2007 , la Michelle l’hà fàa savè che la ghe laorava adrèe al noeuv album de solista e l’ha poeu dìtt che el só titól el sariss stàa Everything Comes and Goes. L’album l’è stàa pussée country de quèj passàa. In del giugn del 2008 lee l’hà cantà in diversi concèrt a preparàa la pubblicazión del noeuv album, indoe soa sorèlla la cantava i còr. Ind la session de registrazion de Everything Comes and Goes, la Michelle l’ha registràa diversi tracc, ch’hinn minga stàa tucc miss denter in del Ep finàl de 6 tracc, infra i quaj gh’hinn canzón ciamàa "Jack And Jim", "Carry Me, "Pretty Little Lyin' Eyes" e "Through the Radio". Dòpo che i problèma in di so cas discografich gh’hàn fàa rinviàa a la Michelle diversi vòlt la pubblicazion de l’album, lee l’ha miss foeura el 16 de luj del 2010 on progètt in formàa de EP de 6 tracc. Trè canzón de la session ("Take A Chance On Me", "Texas In The Mirror" e "Long Goodbye") hinn stàa poeu miss foeura de vèss scaregàa a gratis per on poo de temp.

Singoj

"Sooner or Later" l’è stàa pubblicàa el 29 de giugn del 2009, come sìngol per tiràss adrée l’album Everything Comes and Goes. La mùsega de la canzón l’è on temp abbastànza svèlt; a l’è ona canzón country menada dela ghitàra acustica, con important inpienid de bànio e ghitàra d’azzàl e l’è stàda scritta de la Michelle insèma al John Shanks e al Hillary Lindsey.

La tràccia ciamada "This Way" la gh’avariss avùu de vèss misa dent in del album complètt, ‘me singol principàl del’album. El video musicàl, dirètt del Raphael Mazucco, l’è stàa giràa, ma "This Way" l’è stàda nò inserida in del EP de sés tracc.

Tracc

Tracc del’EP

• Ready to Let You Go 2:53 (scrittor: Michelle Branch, John Leventhal)
• Sooner or Later 3:07 (scrittor: Hillary Lindsey, Michelle Branch, John Shanks)
• I Want Tears 3:33 (scrittor: Hillary Lindsey, John Shanks)
• Crazy Ride 3:45 (scrittor: Hillary Lindsey, Michelle Branch)
• Summertime 4:12 (scrittor: Hillary Lindsey, Michelle Branch, John Shanks)
• Everything Comes and Goes 3:18 (scrittris: Michelle Branch)

Alter tracc del’album original ch’el gh’avariss avùu de vèss pubblicàa

• This Way 3:46 (scrittor: Michelle Branch)
• Show Me a Sign 3:47 (scrittor: Michelle Branch, John Leventhal)
• Goodbye To You 3:48 (scrittor: Hillary Lindsey, Michelle Branch)
• Texas in the Mirror 3:49 (scrittris: Michelle Branch)
• I'm Not That Strong 4:09 (scrittor: Hillary Lindsey, Michelle Branch, John Shanks)
• Pretty Little Lyin' Eyes 3:37 (scrittor: Michelle Branch, John Leventhal)
• Through the Radio 5:27 (scrittor: Hillary Lindsey, Michelle Branch, John Shanks

Musicista

• Michelle Branch – vos, ghitara acustica
• John Leventhal – ghitara, bass, ghitara resofònica, bànio, òrghen
• John Shanks – ghitara, bass, tastér
• Greg Leisz – ghitara hauaiana, ghitara d’azzàl a pedàj ( pedal guitar steel ), ghiatara, mandolìn.
• Larry Campbell – violìn , ghitara hauaiana
• Dan Dugmore – pedal steel guitar
• Charles Judge – piano, òrghen hammond
• Teddy Landau – bass
• Abe Laboriel Jr. – batterìa
• Shawn Pelton – batterìa
• Jim Keltner – batterìa
• Rick DePofi – percussión
• Jeff Rothschild – drum machine ( machina dela batterìa)
• Hillary Lindsey – còr