Michelle Branch
La Michelle Branch (nòmm complètt Michelle Jacquet DeSevren Branch Landau, Flagstaff, 2 de luj 1983) l'è 'na cantautris e ghitarista statunitensa.
L'ha esordìi in sui scèn in del 2000, l'ha quistàa succèss cont i The Spirit Room (2001) e Hotel Paper (2003). Del 2004 al 2008 l'hà ciapàa la sò part in del grùpp fàa su de dò persòn The Wreckers, insèma a la Jessica Harp; l'è adrèe a continuà la sóa carriera musicàl come solista.
Biografìa Modifega
La comenza prèst la sóa carriera artistica, quand che la se mett adrèe a sonà la ghitara a quattòrdes ann e la firma a dersètt ann per la Maverick Recording Company. L'è stàa fàa su in del ann 2000 el sò prìmm album indipendént , Broken Bracelet; in del 2001, adrèe a la firma con la Maverick, la rampega i classifich con l'album The Spirit Room e 'l singól Everywhere, miss denter in del sottfónd musicàl del film American Pie 2.
Granda ammiradòra di Beatles, el Jimi Hendrix e i Led Zeppelin, la Michelle, a la Maverick, al'è misa de fianch a John Shanks (ex-member del grùpp musicàl de la cantant pop/rock Melissa Etheridge e produttór di fama internazionàl) e Shelly Peikens (giàmò de fianch a artisti compagn de Christina Aguilera, Chris Isaak e Meredith Brooks) oltra che a musicisti de primìssim livèll, in la registrazión in stùdi, infra de lor gh'hinn: Dave Warren (tastér), John Leventhal (polistrumentista de class, conossùu come musicista country), Vinnie Colaiuta e Kenny Aronoff (batteristi de fama mondial) e Dave Navarro (ex-chitarrista di Jane's Addiction e i Red Hot Chili Peppers), che l'ha registràa una part de ghitara in del brano Are You Happy Now?). La gh'ha ancasì lavoràa insèma a artisti compagn del Carlos Santana (The Game of Love e I'm feelin' you), del Sheryl Crow (Love Me Like That dell'album Hotel Paper) e del Chris Isaak (I Lose My Heart); l'hà ancasì partecipàa a serie TV de succèss compagn de Buffy l'ammazzavampiri (Episòdi Tabula rasa) e Streghe (Episòdi 100 volte streghe).
Ind la seconda metà del 2004, dòpo che l'ha trà denter l'amisa Jessica Harp (cantautora country che l'aveva partecipàa come corista in del Are you happy now? Tour in del stèss ann), l'ha fàa nàss el progètt parallel The Wreckers, che 'l sò principàl album al'è Stand Still, Look Pretty, miss foeura du ann adrèe e de chesstchì n'hinn vendùu circa 750000 copi domà in di Stati Unìi. El grùpp al se spartìs officialmènt al princìpi del 2008, per via de la scelta de la Jessica Harp de rinonzià a la soa carriera de musicista in di concért per mettes adrèe domà in del scriv canzón.
El 10 de april del 2008 ind on concèrt sonàa a Norfolk (Virginia), la Michelle l'aveva annunziàa el nòmm del sò noeuv laô de solista, Everything Comes and Goes, che in del pricìpi l'era prevedùu de vèss miss foeura in del 2009. In del luj 2009 a l'è stàa miss feoura Sooner or Later, e de quel brano chì i hàn fà su anca on video e che 'l gh'avarìss avùu de vèss el singòl de slanz de l'album. Per via però di problémi dent in la casa discografica, la sortida de l'album a l'è stata pu vòlt rimandada; a la fin Everything Comes and Goes l'è sortìi domà a lui 2010, ma come EP fà su de 6 brani. Al'è stada donca scancellada a la definitiva la sortida de l'album complètt (che 'l gh'avariss avùu de vèss fa su de 13 tras); scancellàa anca el progètt de l'album adrée che 'l gh'avarìss avùu de avegh 'me titól A Different Kind of Country.
In precedenza, in del agóst del 2008 a l'era stàa miss foeura Together, brano cantàa e scrivùu de lee, compòst che a l'è denter in dela colòna sonòra del film The Sisterhood of the Travelling Pants 2. In del April 2010 la Michelle l'ha registràa on brano insèma cont el Timbaland, con titòl Getaway, sortì 'me singól che 'l po vèss compràa in scaregamènt digital. Adrèe al princìpi del 2011, in sul sit officiàl de l'artista l'è stà miss su de podè vèss scaregàa a gratis on quaj brano che 'l gh'avariss avùu, in origin, de stàa denter in del album Everything Comes and Goes.
In del 2011 la Michelle l'ha completàa i registrazión de on noeuv album, intitolàa West Coast Time, che la sòa sortida la gh'avarìss avùu de vèss infra settember e ottober 2011. In la trasmissión in sul internet (26 maggio 2011) l'aveva presentàa in anteprìma el prìmm singol, intitolàa Loud Music, miss foeura el 14 de agost 2011, e per chesstchì l'è stàa fa su anca on video. In quel'estàa là a l'è stada in tour come appògg ai Goo Goo Dolls per fa conoss el noeuv disco. Ancamò 'na vòlta però, purtròpp, l'album l'hà nò vist la lus in di temp stabilìi. In del settember 2012, la Michelle l'ha miss foeura on quaj tras de l'album in su la sóa pagina SoundCloud, che pò vèss scoltàa a gratis a l'adrèss http://soundcloud.com/michellebranch
In del genàr 2017 l'annunzia la sortida del sò quart album, Hopeless Romantic, prevedùu per el 7 de april 2017.[1] La title track l'è misa foeura come singól in del mes de febbrar.
Vita privada Modifega
La Michelle la s'è sposada in del magg 2004 con el Theodore "Teddy" Landau, bassista del grùpp che l'accompagnava in del tour de Hotel Paper.[2] De la sò union a l'è nassùda el 3 de agost 2005 la fioeula Owen Isabelle.[3] In del 2015 la cóbbia la divorzia dòpo on ann de separaziòn.[4] Dal 2015 la gh'ha ona relaziòn cont el musicista Patrick Carney, e insèma a lu la gh'ha anca on fioeu, el Rhys James, el 28 del agost 2018.[5]
Discografia solista Modifega
Album in studi Modifega
- 2000 – Broken Bracelet
- 2001 – The Spirit Room
- 2003 – Hotel Paper
- 2017 – Hopeless Romantic
EP Modifega
- 2010 – Everithing Comes and Goes
Singoj Modifega
| Ann | Titól | Posizión massima | Album | ||
|---|---|---|---|---|---|
| Stati Unii Billboard Hot 100 |
Gran Bretagna Official Singles Chart |
Australia ARIA (Australia) | |||
| 2001 | Everywhere | 12 | 18 | 19 | The Spirit Room |
| 2002 | All You Wanted | 6 | 33 | 25 | |
| The Game of Love (Santana con la Michelle Branch) |
5 | 16 | 19 | Shaman (Santana) Hotel Paper (version europea) | |
| Goodbye to You | 21 | — | — | The Spirit Room | |
| 2003 | Are You Happy Now? | 16 | 31 | 33 | Hotel Paper |
| Breathe | 36 | — | 46 | ||
| Breathe - The Remixes | — | — | — | ||
| 2004 | One of These Days (domà in di Filippine) |
— | — | — | |
| Til I Get Over You | — | — | — | ||
| 2009 | Sooner or later | — | — | — | Everything Comes and Goes EP |
Referenz Modifega
- ↑ (EN) «{{{titolo}}}». Vardad in data 2017-02-02.
- ↑ (EN) Michelle Branch marries her bass player. 2004-07-01. URL consultad in data 2017-10-14.
- ↑ (EN) Michelle Branch Has a Baby Girl. 2005-08-03. URL consultad in data 2017-10-14.
- ↑ (EN) Update: Michelle Branch and Teddy Landau's Divorce Finalized. URL consultad in data 2017-10-14.
- ↑ Michelle Branch and Patrick Carney Welcome Son Rhys James