Famicom Disk System
El Famicom Disk System a l'éra 'na periferica per el Famicom venduda domà in Giappon che la permetteva de doperà di gioeugh salvaa in sul dischett.
Storia
ModifegaLa periferica a l'è stada relassada in del 1986 per lengg i gioeugh cont on floppy, che 'l dava la possibilità ai desviluppador de giontà fazilment di fonzion de salvatagg e de 'vègh no i limit de grandezza de 'na cartoccia. Per on period a l'è staa consideraa el futur di console, tant che l'è staa nonziaa che i futur gioeugh sarien sortii tucc inscì, ma dopo che la Capcom l'ha relassaa Ghosts 'n Goblins in su 'na cartoccia de 128 Kb a l'è deventaa sostanzialment on flop commercial, anca per la delicatezza di floppy che eren nanca protegiuu.
In del 1986 la Sharp l'ha faa el Twin Famicom, che integrava i dò piattaform cont ona presa SCART, inclusa no in del Famicom original. La mascotte del FDS la se ciamava Diskun e l'era on quadratt giald.
El dischett
Modifega
I dischett doperaven on sò formaa proprietari: 2,8" × 3", 64KB per lat, compagn di Quick Disk del period.
Chiosch de distribuzion
ModifegaPer via de l'alta pirateria i aziend di videogioeugh han voruu 'na legg in Giappon per bandì el ficc di videogioeugh.
Nintendo, per doperà a sò vantagg la situazion, l'ha faa di chiosch indova la gent la podeva menà on sò floppy per ciappà on gioeugh in "ficc permanent" per 1/5 del prezzi de 'n gioeugh original, e l'utent el riceveva el manual de carta. El servizzi a l'è restaa attiv finna al 2003.
A l'éra anca possibil, ma minga indepertutt, mandà i pontegg a la Nintendo via fax per partecipà a dì concors nazionai.
Gioeugh
ModifegaLa pupart di gioeugh a l'éra 'na conversion di tìtoi in su cartoccia modifegaa in manera de doperà i caratteristich del floppy 'me la maggior capacità e la possibilità de salvà.
I gioeugh de lanz eren: