Lumbard ucidental Quest articol chì l'è scrivuu in lombard, grafia milanesa.

Super Mario Bros. a l'è staa 'n videogioeugh a piattaform per el NES. Ideaa del Shigeru Miyamoto, l'è staa el primm de la furtunada serie Mario, anca se l'è mìnga stada la prima apparizion de Mario, che però inscì a l'è deventaa proppi famos.

Cartoccia del gioeugh

In del gioeugh el Regn di Fonsg a l'è 'n Pajes assee de pas, abitaa di Toad, ma el Bowser, re di Koopa Troopa, el lanzia 'na magia al regn per trasformà i sò abitant in Goomba e 'l rapiss la Prenzipessa Peach, l'unega che la pò desligà la magia e de che 'l Mario a l'è inamoraa. Quand che la notizia la riva ai fredej Mario e Luigi parten per i confin del Regn per liberàll e salvàll, cont el mazzà el Bowser in la lava. Resten poeu in del Regn per proteggel e a la fin el Mario e la Peach se innamoren.

In Giappon el gh'ha avuu 'me seguit Super Mario Bros.: The Lost Levels, che l'era in sostanza el midemm gioeugh cont pussee nivell che hinn tolt de la version arcade Vs. Super Mario Bros. e che eren retegnuu proppi gramm: Per quèlla reson chì in l'Ocident a l'è staa mìnga publegaa subit ma a l'è staa relassaa Super Mario Bros. 2, fondaa in sul videogioeugh giappones Doki Doki Panic.

Bibliografia Modifega

  • Andrew Schartmann, Koji Kondo's Super Mario Bros. Soundtrack (in en), Bloomsbury, 2015. 9781628928532

Vos corelaa Modifega