Festa Regional de la Lombardia
La Festa Regional de la Lombardia, in toscan Festa Regionale della Lombardia l'è la festa regional de la Lombardia. L'è festeggiada el 29 de magg, in occasion de la vittoria de la Liga Lombarda in de la Battàja de Legnan.
Storia Modifega
La festa l'è stada approvada in del Consili del 2013, cont el support de la Lega Nord, del Popol de la Libertà, del Moviment 5 Stell e de Fratelli d'Italia - Alleanza Nazionale. Inveci la sinistra l'ha votaa contra, vist che ha ritegnuu el dì "tropp politegh", e la preferiva doperà l'inizzi di Cinch Giornad de Milan o de la prima convocazion del Consili Regional de la Lombardia.
Dì de l'immigraa lombard Modifega
In la Provincia de Santa Fe in Argentina dal 2018 el 29 de magg a l'è el Dì de l'immigraa lombard, faa per regordà l'importanza de l'emigrazion lombarda per la zona.