Lumbard ucidental Quest articol chì l'è scrivuu in lombard, grafia milanesa.

I foeugh arz (o fogazzoeu, foeugh senza foeugh, fiammei, fiamminn, fana[1]) hinn di fiamm piscininn, de norma de color bloeu, che solten foeura al nivell del terren in sit compagn de cimiteri, i palud e i stagn in di brugher. El moment pussee giust per doggiài a l'è la fin de agost, vers sira.
'Sti fiammei deriven de la combustion del metan e del fosfan, che la riva giò de la decomposizzion di rest organegh. A bon cunt, l'origin de quell lavor chì a l'è gnamò ben ciara.
I stori e i panzanegh intorna ai foeugh arz hinn proppi tant: in di temp antigh se credeva che l'era la manifestazzion de l'anima che la 'gniva foeura de la tomba. In di popoi del nord Europa se diseva che a 'ndàggh adree se podeva trovà el proppi destin.

Simulazzion de on foeugh arz.

Riferiment Modifega

  1. LSI - Lessico dialettale della Svizzera Italiana, Belinzona/Lugan, 2004.