Forn
El forn (parnonziaa ['furen] in lombard oriental) l'è on lavorà che 'l fa nass el calor doperaa per scoldà materiai soled o liqued.
L'è doperaa sia in cà (per esempi per coeus el mangià), in de l'artisanaa e in de l'industria (metallurgia).
I forn poeuden vess de vari formi e poeuden fonzionà in vari maner: el forn pussee classegh l'è quell che 'l va a legna, ma gh'è anca quei elettregh e a microond.
L'omm che 'l lavora al forn el se ciama fornee o prestinee.
El nomm
ModifegaLa parolla forn la riva del latin fornus o furnus, con l'istess significaa. El termen l'è ligaa anca al grech thérmos (che 'l voeur dì "cold") e al germanegh *warmaz[1][2]. Anca in di alter lengov romanz se doperen paroll derivaa de quell termen chì latin (cf. italian e portoghes forno, catalan forn, spagnoeu horno, frances four, forlan fôr, sardegnoeu vorru, puter e vallader fuorn, napoletan furno): di lenguagg neolatin gh'è rivaa anca la parolla greca foúrnos.